मुंबई : करोना रुग्णांच्या संख्येत मोठी घट होत आहे. राज्यातील करोनाची लाट आता नियंत्रणात आली असून, शुक्रवारी राज्य आरोग्य विभागाच्या अहवालानुसार, मागील २४ तासांत राज्यात १७१ रुग्णांचे निदान झाले आहे. तर राज्यभरात याच कालावधीत तीन करोना रुग्णांच्या मृत्यूची नोंद झाली आहे. राज्यातील एकूण करोनाबाधितांची संख्या ७८,७२,२०३ इतकी झाली आहे. तर मृतांची एकूण संख्या १,४३,७६५ इतकी झाली आहे.

आतापर्यंत राज्यात ७७, २२, ७५४ रुग्ण बरे झाले असून, त्यांना घरी सोडण्यात आले आहे. शुक्रवारी प्रसिद्ध करण्यात आलेल्या अहवालानुसार, गेल्या २४ तासांत ३९४ रुग्ण बरे झाले असून, त्यांना रुग्णालयांतून घरी सोडण्यात आले आहे. सध्या महाराष्ट्रात १६८० सक्रीय रुग्ण आहेत. रुग्ण बरे होण्याचे प्रमाण ९८.१० टक्के इतके आहे, तर राज्यातील मृत्यूदर हा १.८२ टक्के इतके आहे. आजपर्यंत एकूण ७,८८,८५,४०५ करोना चाचण्या झाल्या आहेत. ४५,२०१ नमुने गेल्या २४ तासांत तपासले आहेत.

Anil Parab vs Kirit Somaiya : अनिल परब यांच्याकडे ‘ते’ कोट्यवधी रुपये आले कुठून? वाझे की खरमाटेचे? ; किरीट सोमय्यांचा सवाल
मुंबईकरांचा लोकल प्रवास आता होणार ‘स्मार्ट’

मुंबईत ६९ नवीन करोनाबाधित

मुंबई महानगर क्षेत्रात गेल्या २४ तासांत ६९ नवीन करोनाबाधित रुग्ण आढळले आहेत. पुणे विभागात पुणे, सातारा, सोलापूर या जिल्ह्यांत ३३ नवीन रुग्णांचे निदान झाले आहे. सिंधुदुर्ग जिल्ह्यात दोन रुग्णांचा मृत्यू झाला आहे. तर बुलडाणा जिल्ह्यात एका मृत्यूची नोंद झाली आहे.

LEAVE A REPLY

Please enter your comment!
Please enter your name here