अंबरनाथच्या शिवाजीनगर भागातील मधल्या आळीत सूरज मोरे हा २६ वर्षीय तरूण वास्तव्याला होता. धुळवडीच्या दिवशी सूरज हा त्याचा भाऊ तुषार मोरे याच्यासह दुपारी एकच्या सुमारास अविनाश पाटील या मित्राला भेटण्यासाठी गेले होते. शिवाजीनगर पोलीस ठाण्यासमोर नव्याने बांधण्यात आलेल्या इमारतीत अविनाश वास्तव्याला असून, याच इमारतीखाली हे तिघे बोलत उभे होते. यावेळी त्यांच्याच परिसरातले इतर काही मित्र तिथून जात असताना त्यांना सूरज आणि तुषार दिसले. ते त्यांना रंग लावण्यासाठी आले. यावेळी सूरज आणि तुषार हे दोघेही इमारतीत पळाले.
Badlapur : धुळवडीत नाचून तरूण घरी गेला, थोड्याच वेळात झाला मृत्यू
डोंबिवली नागरी सहकारी बँकेचा सर्व्हर हॅक; सायबर चोरट्यांनी दीड कोटी केले लंपास
तुषार हा पहिल्या मजल्यावर लपला, तर सूरज हा थेट गच्चीवर जाऊन तिथे लपला. यावेळी तुषार याला मित्रांनी पकडून खाली आणले, त्याला रंग लावत असतानाच अचानक सूरज हा गच्चीतून खाली पडला. इमारतीच्या टेरेसवर असलेल्या डक्टमधून सूरज खाली पडला आणि त्याच्या पायाला दुखापत झाली. यानंतर त्याच्या भावाने आणि मित्रांनी तातडीने आधी अंबरनाथच्या एका खासगी रुग्णालयात नेले, तिथून उल्हासनगरच्या मध्यवर्ती रुग्णालयात आणि तेथून पुढील उपचारासाठी उल्हासनगरच्या खासगी रुग्णालयात सूरजला दाखल केलं. मात्र दुपारी साडेतीनच्या सुमारास डॉक्टरांनी त्याला मृत घोषित केलं. या घटनेमुळे सणाच्या दिवशी मोरे कुटुंबीयांवर दुःखाचा मोठा डोंगर कोसळला. या प्रकरणी शिवाजीनगर पोलिसांनी अकस्मात मृत्यूची नोंद केली असून, पुढील तपास सहाय्यक पोलीस निरीक्षक सुप्रिया देशमुख करत आहेत.
suicide with daughter: धक्कादायक! ११ वर्षांच्या लेकीसह बापाने केली आत्महत्या; परिसरात हळहळ…पाहा, व्हिडिओ!दुसरीकडे, अंबरनाथला लागूनच असलेल्या बदलापुरातही धक्कादायक घटना घडली. धुळवडीच्या कार्यक्रमात नाचल्यानंतर घरी गेलेल्या तरूणाचा मृत्यू झाला. हेंद्रेपाडा परिसरात ही घटना घडली. हा तरूण नाचून घरी गेल्यानंतर थोड्या वेळातच त्याच्या छातीत दुखू लागले. पत्नीने शेजाऱ्यांच्या मदतीने त्याला रुग्णालयात नेले. तिथे त्याचा मृत्यू झाला.
