मुंबई :द काश्मीर फाइल्स‘ या विवेक अग्निहोत्री दिग्दर्शित सिनेमाची सध्या देशात जोरदार चर्चा सुरू आहे. हा सिनेमा अनेकांना आवडला आहे. तर काहींच्या मते या सिनेमात जे दाखवलं आहे ते अतिशयोक्त आहे. या सिनेमामध्ये ९० च्या दशकामध्ये काश्मिरी पंडितांवर झालेला छळ आणि त्यांच्यावर झालेला अत्याचार दाखवण्यात आला आहे. सिनेमा प्रदर्शित झाल्यापासून अवघ्या सात दिवसांत बॉक्स ऑफिसवर घसघशीत कमाई करत १०० कोटींच्या क्लबमध्ये प्रवेश केला आहे. असं असताना या सिनेमासंदर्भातील एक धक्कादायक घटना आता समोर आली आहे.

The Kashmir Files : अवघ्या सात दिवसांत सिनेमानं केली घसघशीत कमाई; १०० कोटींच्या क्लबमध्ये प्रवेश

तेलंगणा राज्यामध्ये हा सिनेमा एका थिएटरमध्ये दाखवला जात होता. त्यावेळी ‘पाकिस्तान झिंदाबाद’ अशा घोषणा देण्यात आला. अचाकनकपणे अशा घोषणा देण्यात आल्यानं सिनेमागृहातील वातावरणात तणाव निर्माण झाला. त्यातून तिथं हाणामारी झाली. त्याचा व्हिडिओ सोशल मीडियावर व्हायरल झाला आहे. तेलंगणा राज्यातील आदिलाबाद जिल्ह्यात ही घटना घडली. सूत्रांनी दिलेल्या माहितीनुसार तिथल्या एका सिनेमागृहात ‘द काश्मीर फाइल्स’ हा सिनेमा सुरू होता. त्यावेळी दोघा व्यक्तींनी पाकिस्तान झिंदाबादच्या घोषणा दिल्या. त्यामुळे तिथलं वातावरणात तणाव निर्माण झाला. या दोघांनी दिलेल्या घोषणा ऐकून तिथे असलेले लोक भडकले आणि त्यांनी या दोघांची यथेच्छ पिटाई केली.

दरम्यान, ही घटना घडल्यानंतर सिनेमागृहातील कर्मचाऱ्यांनी पोलिसांना हे कळवलं. परंतु पोलीस तिथं येण्यापूर्वीच हे दोघंजण तिथून पळून गेले. पोलिस त्यांचा शोध घेण्याचा प्रयत्न करत आहे. सीसीटीव्ही फुटेज तपासलं जात आहे. मात्र अद्याप कोणताही ठोस पुरावा पोलिसांना मिळालेला नाही.पोलीस अधिकाऱ्यांनी दिलेल्या माहितीनुसार, याप्रकरणी अधिकृतरित्या कुणीही तक्रार नोंदवलेली नाही. सिनेमागृहात तणाव निर्माण करण्याच्या उद्देशानं या दोघांनी या घोषणा दिल्याचं पोलिसांनी सांगितलं आहे.

द काश्मीर फाइल्स

द काश्मीर फाइल्स सिनेमा ११ मार्च रोजी रिलीज झाला आहे. सिनेमात अनुपम खेर, मिथुन चक्रवर्ती, पल्लवी जोशी, दर्शन कुमार,चिन्मय मांडलेकर हे कलाकार आहेत. सिनेमा प्रदर्शित झाल्यापासून बॉक्स ऑफिसवर त्यानं घसघशीत कमाई केली आहे. २० कोटी रुपयांचं बजेट असलेल्या या सिनेमानं १०० कोटी रुपयांची कमाई केली आहे.

The Kashmir Files : अमिताभ बच्चन यांचं गूढ ट्विट, लोक पडले विचारात

LEAVE A REPLY

Please enter your comment!
Please enter your name here