सिनेमात शिवरायांची भूमिका चिन्मय मांडलेकर साकारात आहे. शेअर करण्यात आलेल्या टिझरमध्ये अफझल खानची ओझरती झलक पाहायला मिळते. त्यामुळेच नक्की अफझल खान कोण साकारणार याची उत्सुकता आहे. विजापूरच्या दरबारात ‘मै लाऊंगा शिवाजी को…! जिंदा या मुर्दा!’, अशी वल्गना करत अफझल खानाने शिवरायांना जिवंत वा मृत घेऊन येण्याचा विडा उचलला होता. इतिहासाच्या पानांत अफझलच्या क्रूरतेबद्दलही भरभरून लिहिण्यात आले आहे. त्यामुळे सिनेमातला अफझलही त्याच तोडीचा असायला हवा यात काही शंका नाही.
Sher Shivraj Teaser: चिन्मय मांडलेकरचा ‘शेर शिवराज’ पाहाच
‘शेर शिवराज’ सिनेमाच्या टीमने अजूनपर्यंत अफझल खानाची भूमिका कोण साकारणार आहे याचा खुलासा केलेला नाही. पण तरीही बॉलिवूडचे प्रसिद्ध अभिनेते मुकेश ऋषी हे अफझलची भूमिका साकारत असल्याचं म्हटलं जात आहे. मात्र यावर अजून अधिकृत घोषणा झालेली नाही. येत्या २२ एप्रिलला हा सिनेमा चित्रपटगृहामध्ये प्रदर्शित होणार आहे.
प्रतापगडावर डौलानं फडकणारा हिंदवी स्वराज्याचा भगवा झेंडा, महाराजांचा रक्तानं माखलेला हात, खानाचा कोथळा काढणारी वाघनखं आणि त्या काळापासून आजच्या युगापर्यंत घडणाऱ्या सर्व घटनांचा मूक साक्षीदार असणाऱ्या तळपत्या सूर्याचं दर्शन पोस्टरवर घडतं आणि टीझरमधूनही तो थरार पाहायला मिळतो.
