महिला पदाधिकाऱ्यांना अश्रू अनावर होताच रुपाली चाकणकर यांनीही आपलं भाषण थांबवलं आणि सगळ्यांना शांत केलं नंतर पुन्हा भाषणाला सुरुवात केली. बैठकीतला हा सर्व प्रकार मंत्री जयंत पाटील आणि आदिती तटकरे स्तब्ध होऊन पाहत होते.
खरंतर, रुपाली चाकणकर गेल्या राजीनामा देणार अशी काही दिवसांपासून चर्चा होती. अखेर चाकणकर यांनी राष्ट्रवादीच्या महिला प्रदेशाध्यक्षपदाचा राजीनामा दिला. त्यामुळे आता राष्ट्रवादीकडून नव्या महिला अध्यक्षाची जबाबदारी कोणाकडे देण्यात येणार हे पाहणं महत्त्वाचं आहे.
बंडातात्या कराडकरांची जीभ पुन्हा घसरली, महात्मा गांधींचा केला एकेरी उल्लेख
चाकणकरांच्या भाषणाचा ‘पुणेरी ठसका’
रुपाली चाकणकरांच्या भाषणाचा एक वेगळा ठसका आहे. पुणेरी भाषेत भाषण करताना टोले, टोमण्यांनी आणि हिंदीतल्या शायरींनी ते प्रतिस्पर्ध्यांवर तुटून पडतात. भाजपकडून महाविकास आघाडीवर वार झाला की त्याला प्रतिवार म्हणून रुपाली चाकणकर पुढे येतात, आणि समोरच्याला तितकंच आक्रमक प्रत्युत्तर देतात. राजकारणाबरोबच त्यांचं सामाजिक काम देखील मोठं आहे.
रुपाली चाकणकर यांनी राजीनामा दिल्याने आता राष्ट्रवादीच्या महिला प्रदेशाध्यक्षपदाची माळ कुणाच्या गळ्यात पडणार, हे पाहणं महत्त्वाचं आहे. लवकरच नव्या प्रदेशाध्यक्षपदाचं नाव जाहीर करण्यात येईल, अशी माहिती समोर येत आहे.
शिवसेनेच्या शिवसंपर्क अभियानात नाराजी नाट्य, बॅनरवरील ‘एका’ फोटोवरुन अंतर्गत कुजबूज
