pune news today live: ‘पुण्यात पवारांची सत्ता असल्याच्या धुंदीत…’, आढळराव पाटलांचा थेट राष्ट्रवादीवर निशाणा – pune news today adhalrao patil criticism of ncp on leopard safari project

जुन्नर : ‘जुन्नरचे आमदार-खासदार झोपेत आहेत, तुमच्या डोळ्यादेखत बिबट्या सफारी प्रकल्प बारामतीला गेला कसा’, अशा शब्दांत शिवसेनेचे उपनेते व माजी खासदार शिवाजीराव आढळराव पाटील यांनी टीका केली. यानिमित्ताने राष्ट्रवादी काँग्रेसची थापेबाजी आणि बोगसगिरी उघडी पडत असल्याचेही त्यांनी सांगितले.

बिबट्या सफारी प्रकल्प जुन्नरमध्येच व्हावा, या मागणीसाठी माजी आमदार आणि शिवसेनेचे जिल्हाप्रमुख शरद सोनवणे यांनी जुन्नरमध्ये प्राणांतिक उपोषण सुरू केले आहे. आढळराव पाटील यांनी उपोषणस्थळी भेट दिली. या वेळी ते बोलत होते. ‘पुणे जिल्ह्यात पवारांची सत्ता असल्याच्या धुंदीत हे लोक आहेत. शिवसेनेला ताकद मिळू नये, अशी त्यांची वागणूक आहे,’ असेही आढ‌ळराव म्हणाले.

accused arrested : ११ वर्षीय विद्यार्थिनीवर लैंगिक अत्याचार करणारा अखेर गजाआड; २४ तासांत ठोकल्या बेड्या
‘बिबट्या सफारीसाठी आमदार असताना शरद सोनवणे यांनी केलेले प्रयत्न सर्व तालुक्याला ज्ञात आहेत. त्यामुळे बिबट्या सफारी प्रकल्प जुन्नरमध्ये होण्याच्या त्यांच्या मागणीला विघ्नहर सहकारी साखर कारखान्याचे संचालक, ऊस उत्पादक यांचा पाठिंबा आहे,’ असे कारखान्याचे अध्यक्ष सत्यशील शेरकर यांनी सांगितले. अखिल भारतीय ग्राहक पंचायतीचे संघटक बाळासाहेब औटी यांनीदेखील विविध पदाधिकाऱ्यांसोबत उपोषणस्थळी भेट देऊन आंदोलनाला पाठिंबा दिला आहे.

‘जिल्ह्याचा सातबारा पवारांच्या नावे करा’

‘आंबेगव्हाणला बिबट्या सफारी होणार यासाठी शरद सोनवणे यांनी पाठपुरावा केला. माजी वनमंत्री सुधिर मुनगंटीवर, भाजपचे नेते देवेंद्र फडणवीस यांनी त्यासाठी सहकार्य केले. प्रत्येक गोष्ट बारामतीला पळविण्याचा प्रकार खपवून घेणार नाही. ही सफारी बारामतीला जाणार हे ऐकून माझे टाळके हलले आहे’, अशा शब्दांत भाजप नेत्या व जिल्हा परिषद सदस्या आशा बुचके यांनी टीका केली. इतकंच नाहीतर, ‘पुणे जिल्ह्याचा सातबारा आता पवारांच्या नावे करा’ अशा शब्दांत उद्विग्नता व्यक्त केली.

chandrakant patil: मुख्यमंत्र्यांच्या धमक्यांना घाबरणार नाही; चंद्रकांत पाटील यांचा इशारा