तृप्ती बाहेरच्या बाजूने असल्याने तिच्या डोक्याला व मेंदूला गंभीर इजा झाली. यानंतर तिला तातडीने बोदवड येथील डॉ. यशपाल बडगुजर यांच्या खासगी रुग्णालयात दाखल करण्यात आले. प्रकृती गंभीर असल्याने डॉक्टरांनी तिला जळगावला हलवण्याचा सल्ला दिला. मात्र जळगावला नेत असताना वाटेतच तृप्तीची प्राणज्योत मालवली. जळगाव जिल्हा रुग्णालयात शवविच्छेदन होऊन त्यानंतर दुपारी ४ वाजता शेलवड येथे अंत्यसंस्कार करण्यात आले.
Pratap Sarnaik: शिवसेनेला आणखी एक झटका, ‘ईडी’कडून प्रताप सरनाईक यांची ११ कोटी ३५ लाखांची संपत्ती जप्त‘…तर माझी एकुलती एक मुलगी वाचली असती’
विद्यार्थ्यांसाठी तालुक्यात एसटी बसच्या दिवसभरातून २१ फेऱ्या होत होत्या. मात्र, काही महिन्यांपूर्वी एसटीचा संप सुरू झाला. परिणामी सर्व विद्यार्थ्यांना खासगी वाहनांनी प्रवास करावा लागत आहे. अनेक खासगी वाहतूकदार क्षमतेपेक्षा जास्त प्रवासी बसवून वाहने चालवतात. तृप्तीच्या दुर्दैवी मृत्यूनंतर चौधरी कुटुंबावर दु:खाचा डोंगर कोसळला आहे. ‘आज एसटी बस सुरू असत्या तर माझ्या मुलीचा जीव वाचला असता,’ अशा शब्दांत वडील भगवान चौधरी यांनी मुलगी तृप्तीच्या मृत्यूनंतर आपल्या भावना व्यक्त केल्या आहेत.
दरम्यान, या प्रकारच्या अपघातांची पुनरावृत्ती टाळण्यासाठी सरकारने एसटी संपाचा तिढा लवकरात लवकर सोडवावा, अशी मागणी सर्वसामान्य नागरिकांकडून केली जात आहे.
