मुंबई : दाक्षिणात्य स्टार जोसेफ चंद्रशेखर विजय, ज्याला लोक प्रेमाने दलपती विजय म्हणतात. ४७ वर्षांच्या विजयने साऊथमध्ये एकापेक्षा एक सरस सिनेमे दिले आहेत. त्याचे फॅन्सही खूप आहेत. त्याचा लवकरच बीस्ट सिनेमा रिलीज होणार आहे. अचानक ट्विटरवर त्याच्या निधनाची बातमी पसरायला लागली. युझर्स एकापाठोपाठ एक ट्विट करत आहेत. एवढंच कशाला, त्याच्या निधनाचे फोटोही शेअर केले गेले. विजय जिवंत असताना RIP JosephVijay का ट्रेंड होत आहे, हे पाहू या.

‘मैत्री मृत्यूपेक्षाही श्रेष्ठ’, बिग बींनी इरफानच्या मुलाला लिहिलं पत्र

साऊथ सिनेमा कलाकारांवर त्यांचे चाहते वेड्यासारखं प्रेम करत असतात. जेव्हा एखाद्या सुपरस्टारचा सिनेमा रिलीज होतो, तेव्हा फॅन्समध्ये वेगळीच क्रेझ दिसते. दोन स्टार्सच्या फॅन्समध्येही सोशल मीडियावर शाब्दिक युद्ध सुरू होतं. म्हणूनच ट्विटरवर विजयच्या निधनाची बातमी ट्रेंड व्हायला लागली.

विजय मृत्यू बातमी ट्रेंड

संबंध थेट आरआरआर सिनेमाशी
अभिनेता रामचरण आणि ज्युनियर एनटीआर यांचा आरआरआर सिनेमा बाॅक्स ऑफिसवर हिट झाला आहे. लोक सिनेमा हाऊसफुल करत आहेत आणि त्यात विजयचा बीस्ट सिनेमाही लवकरच रिलीज होणार आहे. त्यामुळे विजयवर राग असलेले आणि प्रेम असलेले यांच्यातलं हे युद्ध आहे. अनेक युझर्स #RipJosephVijay हॅशटॅग करून ट्विट करत आहेत. ते सांगत आहेत, आरआरआरमुळे विजयचं काही खरं नाही. जोसेफ विजयच्या मृत्यूचे फोटो मिम्स म्हणून शेअर होत आहेत.

RRR : सिनेमानं पहिल्या दिवशी बॉक्स ऑफिसवर केली दणदणीत कमाई

अनेक भाषांमध्ये रिलीज होणार बीस्ट सिनेमा
विजयचा बीस्ट हा काॅमेडी अॅक्शन फिल्म आहे. नेल्सनचं दिग्दर्शन आहे, सिन पिक्चर्सची निर्मिती आहे. सिनेमात विजयसोबत पूजा हेगडे आहे. सिनेमा तामिळबरोबर कन्नड, मल्याळम आणि तेलुगूमध्ये प्रदर्शित होणार आहे.

LEAVE A REPLY

Please enter your comment!
Please enter your name here