Nilesh Rane: आमच्या आजुबाजूने लहानसा दगडही भिरकावला गेला तर शांत बसणार नाही; निलेश राणेंचा पोलिसांना इशाराजिल्हा पोलीस अधीक्षक डॉ.मोहितकुमार गर्ग हे ठाकरे सरकारच्या दबावाखाली तरी वागत आहेत असा खळबळजनक आरोप माजी खासदार निलेश राणे यांनी केला आहे. आम्हाला दोन तास बसवून ठेवले,पोलीस अधीक्षक आम्हाला भेटले नाहीत,कोणतीही नोटीस नाही पोलीस अधीक्षक दबावाखाली काम करत आहेत आमचा एफआयआर दाखल करू देत नाहीत ही कोणती पध्दत,असा खडा सवाल निलेश राणे यांनी उपस्थित केला. माजी खासदार व एक सिनियर नेत्याला चुकीची वागणूक देत आहेत. आमचा जीव गेला तरी आम्ही येथून हलणार नाही, असे निलेश राणे यांनी म्हटले.
Kirit Somaiya: उद्धव ठाकरे… आम्ही तुम्हाला जेलमध्ये टाकायला परवानगी घेणार नाही,थेट कारवाईच करू; सोमय्यांचा हल्लाबोल
पोलीस अधीक्षकांना फोनवरून सूचना; निलेश राणेंचा आरोप
आम्ही पोलीस ठाण्यात असताना त्यांना पाच-पाच मिनिटांनी फोनवरून सूचना दिल्या जात होत्या. त्यानुसार पोलीस आपली भूमिका बदलत होते. काहीवेळानंतर पोलिसांनी अचानक आम्हाला जाण्यास सांगितले. आम्हाला पोलीस ठाण्यात इतका वेळ बसवून का ठेवलं, हे पोलिसांनी सांगितलं नाही. मात्र, साई रिसॉर्टवर तुम्ही फक्त चार ते पाच कार्यकर्त्यांनाच घेऊन जाऊ शकता, असे पोलिसांनी सांगितल्याचे निलेश राणे यांनी म्हटले. पोलिसांना सोमय्यांचा जीव धोक्यात टाकायचा आहे. पोलीस कोणाच्यातरी दबावाखाली काम करत आहेत. त्यामुळे आम्ही आता पोलीस ठाण्याबाहेर ठिय्या मांडून बसणार, असेही निलेश राणे यांनी म्हटले.
