तिरुपती: आंध्र प्रदेशातील चित्तुर जिल्ह्यात शनिवारी रात्री उशिरा भीषण अपघात झाला. साखरपुड्यासाठी वऱ्हाड्यांना घेऊन निघालेली बस जवळपास शंभर फुट खोल दरीत कोसळली. या दुर्घटनेत आठ जणांचा मृत्यू झाला. तर ४५ जण जखमी झाले आहेत.

मिळालेल्या माहितीनुसार, आंध्र प्रदेशातील चित्तुर जिल्ह्यात वऱ्हाड्यांची बस खोल दरीत कोसळली. या भीषण अपघातात आठ जणांचा मृत्यू, तर ४५ जण जखमी झाले आहेत. ५० हून अधिक वऱ्हाड्यांना घेऊन निघालेली बस जवळपास १०० फुट खोल दरीत कोसळली. पोलिसांनी दिलेल्या माहितीनुसार, ही दुर्घटना चालकाच्या निष्काळजीपणामुळे घडली. जखमींना नजीकच्या रुग्णालयात दाखल करण्यात आले आहे.

पप्पा रात्रंदिवस शेतात काम करता आणि मी…, रेडिओलॉजी शिकणाऱ्या तरुणीची आत्महत्या, मन हेलवणारं पत्र…

तिरुपतीपासून २५ किलोमीटरवर असलेल्या बकरापेटा येथे चालकाच्या निष्काळजीपणामुळे बस खोल दरीत कोसळली. ४५ जण जखमी झाले असून, त्यांना नजीकच्या रुग्णालयात दाखल करण्यात आले आहे. तिरुपतीच्या पोलीस अधीक्षकांनी या अपघाताची माहिती दिली. मृतांमध्ये मुलं आणि महिलांचा समावेश आहे. साखरपुड्यासाठी ५० हून अधिक वऱ्हाडी बसमधून तिरुपतीला जात होते. घाटरस्त्यात वळणावर चालकाचं नियंत्रण सुटलं आणि बस दरीत कोसळली. रविवारी सकाळी साखरपुडा होता. त्यासाठी हे सर्व जण तिरुपतीकडे जात होते. अतिवेगामुळं चालकाचं बसवरील नियंत्रण सुटलं आणि ती खोल दरीत कोसळली, अशी माहिती वरिष्ठ पोलीस अधिकाऱ्यांनी दिली. अंधार असल्यानं बचावकार्यात अडथळे येत होते, अशी माहिती पोलिसांनी दिली.

tragic accident near jalgaon: गेल्याच महिन्यात झाले लग्न; पत्नीला भेटायला गेला अन् ही भेट ठरली शेवटची

या अपघाताची माहिती मिळताच पोलीस कर्मचारी आणि इतर यंत्रणा घटनास्थळी पोहोचली. बस अपघातात जखमी झालेल्यांना दरीतून दोरखंडाच्या मदतीने बाहेर काढले. त्यानंतर त्यांना नजीकच्या रुग्णालयात दाखल करण्यात आले, अशी माहिती पोलिसांनी दिली. आंध्र प्रदेश सरकारनं अपघातातील मृतांच्या नातेवाइकांना आर्थिक मदत जाहीर केली आहे. मृतांच्या नातेवाइकांना प्रत्येकी २ लाख रुपये भरपाई दिली जाणार आहे.

LEAVE A REPLY

Please enter your comment!
Please enter your name here