‘KGF 2’ सिनेमाच्या निर्मात्यांनी भव्य दिव्य प्रमाणात सिनेमाचा टिझर रिलीज करण्याचं ठरवलं होतं. त्याप्रमाणे त्यांनी बेंगळुरूमध्ये अतिशय भव्य सोहळ्यामध्ये सिनेमाचा ट्रेलर लाँच केला. या शानदार कार्यक्रमाला सिनेमाशी संबधित सर्व कलाकार मंडळी उपस्थित होती. याशिवाय इंडस्ट्रीमध्ये अनेक दिग्गज कलाकार देखील उपस्थित होते.
चर्चा तर होणारच! अजित पवार यांच्या मुलाचा बॉलिवूड अभिनेत्रीसोबत फोटो व्हायरल
KGF 2 ट्रेलर पाहताना अंगावर रोमांच उभे राहतात. संजय दत्त याच्या दमदार अभिनयानं या ट्रेलरची सुरुवात होते. त्याबरोबरच साऊथचा सुपरस्टार यशने त्याच्या एंट्रीमध्ये चाहत्यांची मनं जिंकून घेतली आहेत. त्यानं म्हटले संवाद ऐकून चाहते अक्षरशः भारावून गेले आहेत. या सगळ्यामध्ये रवीन टंडन हिनं घेतलेली एंट्री देखील लक्षात राहण्यासारखी आहे. याशिवाय सिनेमाची सिनेमॅटोग्राफी, त्याच्या बॅकग्राऊंड म्युझिकमुळे प्रत्येक दृश्य अधिक परिणामकारक झालं आहे. एकूणच या सिनेमाचा ट्रेलर पाहून प्रेक्षकांना आता सिनेमाची उत्सुकता लागली आहे.
रेस्टाॅरंटमध्ये गेल्यावर जाॅन अब्राहमने खाल्लेल्या ६४ चपात्या
KGF सिनेमाच्या च्या पहिल्या भागातही प्रेक्षकांना अॅक्शन सीन्स आणि त्याचं कथानकानं भुरळ घातली होती. त्यामुळेच या सिनेमाचा सिक्वेल कधी येतो याची उत्सुकता त्यांना होती. KGF 2 चा ट्रेलर पाहून प्रेक्षकांच्या अपेक्षा वाढल्या आहेत. आता हा सिनेमा प्रेक्षकांच्या वाढलेल्या अपेक्षा पूर्ण करतो का हे पाहणं औत्सुक्याचं ठरणार आहे.
