will smith at oscars: माझ्या आई किंवा बहिणीला कुणी…विल स्थिथ प्रकणावर कंगनाची प्रतिक्रिया – kangana defends will smith for smacking chris rock at oscar 2022

मुंबई: जगभरात मानाचा समजला जाणारा ऑस्कर सोहळा नुकताच पार पडला.अनेक मोठ्या कलाकारांनी ऑस्कर सोहळ्याला हजेरी लावली. लॉस एंजेलिस येथील डॉल्बी थ‍िएटरमध्ये ९४ वा अकादमी पुरस्कार सोहळा पार पडला. या सोहळ्यामध्ये कोडा हा सिनेमा सर्वोत्कृष्ट ठरला.तर सर्वोत्कृष्ट अभिनेता विल स्मिथ याला तर सर्वोत्कृष्ट अभिनेत्रीचा पुरस्कार जेसिका हिला देण्यात आला. पण एका वेगळ्याच कारणामुळं हा सोहळा चर्चेत आलाय.

ऑस्कर पुरस्कार सोहळ्यादरम्यान अभिनेता विल स्मिथनं सूत्रसंचालक क्रिस रॉक याच्या कानशिलात लगावली. हे नक्की काय घडतंय हे कुणालीही कळत नव्हतं. काही तरी गंमत सुरू आहे, असं वाटत असतानाच हळूहळू तिथलं वातावरण गंभीर होत गेलं आणि सगळ्यांना याचं गांभीर्य कळलं. ऑस्करच्या इतिहासात हे प्रथमच घडलंय आहे. सोशल मीडियावर #WillSmith आणि #ChrisRock ट्रेंड होत आहे. हा व्हिडिओही व्हायरल झाला आहे.
Oscars 2022: ऑस्करमध्ये कोडा सिनेमा सर्वोत्कृष्ट; इथे पाहा पुरस्कार विजेत्यांची यादी
काय घडलं नेमकं?
विल स्मिथला किंग रिचर्डसाठी सर्वोत्कृष्ठ अभिनेत्याचं अवाॅर्ड मिळालं आहे. हा पुरस्कार मिळण्याआधीच क्रिस रॉकबरोबर त्याचं जोरात भांडण झालं. सूत्रसंचालक क्रिस स्टेजवर विल स्मिथच्या बायकोच्या केसावर कमेंट करत होता. ही गोष्ट स्मिथला आवडली नाही आणि तो भडकला.

या प्रकारानंतर अनेक सेलिब्रिटींनी प्रतिक्रिया दिल्या आहेत.
वादग्रस्त वक्तव्यांसाठी प्रसिद्ध असलेली कंगना रणौत हिनं देखील यावर सोशल मीडियावर द्वारे प्रतिक्रिया दिली आहे. तिनं विल स्मिथला पाठिंबा दर्शवलाय. ‘ माझ्या आई किंवा बहिणीच्या आजारपणाबद्दल कुणी अशी मस्करी केली असती तर मी देखील हेच केलं असतं, असं कंगनानं म्हटलं आहे.

तर अभिनेता वरुण धवन यानं देखील यावर प्रतिक्रिया देत क्रिस रॉकवर टीका केलीए. ‘वाटलं नव्हतं क्रिस रॉक कधीही असं करेल’, असं त्यानं म्हटलंय. तर ज्येष्ठ अभिनेत्री नितू कपूर यांनी देखील यावर भाष्य केलंय. , ‘.. आणि ते म्हणतात की महिलांना त्यांच्या भावनांना आवर घातला येत नाही.’ , असं नितू यांनी म्हटलंय.