गोव्याचे मुख्यमंत्रिपद स्वीकारताच प्रमोद सावंत यांनी जनतेला दिली खूशखबर – cabinet has decided to formulate the 3 free cylinder scheme says goa cm pramod sawant
पणजी : प्रमोद सावंत यांनी नुकतीच सलग दुसऱ्यांदा गोव्याचे मुख्यमंत्री (Goa Cm Pramod Sawant) म्हणून शपथ घेतली. या शपथविधी सोहळ्यात सावंत यांच्यासह इतर ८ नेत्यांनीही मंत्रिपदाची जबाबदारी स्वीकारली. त्यानंतर मुख्यमंत्री प्रमोद सावंत यांच्या नेतृत्वात सोमवारी झालेल्या पहिल्याच मंत्रिमंडळ बैठकीत गोव्यातील जनतेला दिलासा देणारा निर्णय घेण्यात आला. गोवा सरकारकडून वार्षिक ३ घरगुती गॅस सिलिंडर मोफत देण्याचा निर्णय घेतल्याची माहिती देण्यात आली आहे.
गोवा विधानसभा निवडणुकीच्या रणांगणात उतरलेल्या भाजपसह काँग्रेस, आम आदमी पक्ष आणि तृणमूल काँग्रेसने विविध आश्वासने दिली होती. भाजपने आपल्या जाहीरनाम्यात अनेक आश्वासनांचा समावेश केला होता. त्यामध्ये मोफत गॅस सिलिंडरचाही उल्लेख होता. गोव्यातील जनतेने या निवडणुकीतही पुन्हा एकदा विश्वास दाखवल्यानंतर भाजपने सत्ता स्थापन केली आणि पहिल्याच मंत्रिमंडळ बैठकीत मोफत सिलिंडरचं आश्वासन पूर्ण केलं आहे.
दरम्यान, आगामी काळात राज्यात अधिकाधिक रोजगार निर्मिती करण्यावर आमचा भर असल्याचं प्रमोद सावंत यांनी सांगितलं आहे.
‘मी जनमताने आलेला मुख्यमंत्री’
प्रमोद सावंत हे अपघाताने झालेले मुख्यमंत्री असल्याची टीका त्यांच्या विरोधकांकडून करण्यात येते. या टीकेला सावंत यांनी जोरदार प्रत्युत्तर दिलं आहे. ‘भाजपने विधानसभा निवडणुकीत बहुमत मिळवलं असून मी जनमताने झालेला मुख्यमंत्री आहे,’ असा पलटवार प्रमोद सावंत यांनी केला आहे.
काँग्रेससह सर्वच पक्षांचं आव्हान मोडीत काढत गोव्याची सत्ता पुन्हा काबीज करण्यात भाजपने यश मिळवलं. गोवा विधानसभेच्या ४० जागांपैकी भाजपला २०, काँग्रेसला ११, ‘आप’ला २, महाराष्ट्रवादी गोमंतक पक्षाला ३ आणि अपक्षांना ३ जागा मिळाल्या.
Kirit Somaiya : पुढचा मंत्री कोण?; किरीट सोमय्यांनी थेट नावच घेतलं!
हिंदू सणांचा विषय आला की ठाकरे सरकारच्‍या हाताला लकवा का मारतो?; आशिष शेलार यांचा सवाल
