टिटवाळा : ठाणे जिल्ह्यातील टिटवाळाजवळ बल्याणी परिसरात हृदय पिळवटून टाकणारी घटना घडली आहे. घराजवळ खेळणाऱ्या दीड वर्षाच्या चिमुकल्याला टेम्पोखाली चिरडले. ही घटना सीसीटीव्ही कॅमेऱ्यात कैद झाली आहे.

मिळालेल्या माहितीनुसार, टिटवाळानजीक बल्याणी परिसरात एक दीड वर्षाचा मुलगा घराजवळच खेळत होता. त्यावेळी चालकाने त्याच्या अंगावरून टेम्पो नेला. बाबू असं या बालकाचं नाव आहे. चालकाच्या निष्काळजीपणामुळं चिमुकल्याचा जीव गेला. ही घटना सीसीटीव्ही कॅमेऱ्यात कैद झाली आहे. हा व्हिडिओ सोशल मीडियावर व्हायरल होत आहे. या प्रकरणी टिटवाळा पोलिसांनी गुन्हा नोंदवला असून, टेम्पोचालक सैफ फारुखी याला अटक केली. दरम्यान, त्याची जामिनावर सुटका झाली आहे.

२ वर्षांचा चिमुरडा आला गाडीखाली, पण…; अपघाताचा थरारक Video होतोय व्हायरल

टिटवाळानजीक बल्याणी परिसरात उमर शहा हा पत्नी गुलशन, सात वर्षांचा मुलगा अरिष, तीन वर्षांची मुलगी आयरा आणि दीड वर्षाचा मुलगा अरसलान यांच्यासोबत राहतो. उमर विक्रोळी येथे नोकरीला आहे. २४ तारखेला तो नेहमीप्रमाणे सकाळी कामावर निघून गेला. त्यानंतर साडेअकरा वाजताच्या सुमारास उमर याची तिन्ही मुलं घराच्या जवळच असलेल्या मैदानात पार्क केलेल्या टेम्पोशेजारी खेळत होते. त्याचवेळी टेम्पोचालक आला. त्याने आजूबाजूला किंवा समोर बघितलेच नाही. टेम्पो थेट पुढे नेला. या टेम्पोखाली दीड वर्षाचा अरसलान सापडला. अंगावरून चाक गेल्यानं जखमी झालेल्या बालकाला उपचारासाठी रुग्णालयात दाखल करण्यात आलं. मात्र उपचारादरम्यान त्याचा मृत्यू झाला. टेम्पोचालकाचा निष्काळजीपणा चिमुकल्याच्या जीवावर बेतला. या प्रकरणी टिटवाळा पोलीस ठाण्यात चालक सैफ फारुखी याच्याविरोधात गुन्हा दाखल करण्यात आला आहे. त्याला टिटवाळा पोलिसांनी अटक केली. न्यायालयात हजर केले असता, त्याची जामिनावर सुटका करण्यात आली.

Bhiwandi News : हृदय पिळवटून टाकणारी घटना, बादलीत बुडून १ वर्षाच्या चिमुकल्याचा करूण अंत

LEAVE A REPLY

Please enter your comment!
Please enter your name here