चाकूचा धाक दाखवून प्रवाशाला लुबाडले; चोरट्याला दोन तासांत अटक – kalyan railway police arrested a man within two hours of theft

वाचा: काँग्रेस, राष्ट्रवादीनंतर शिवसेनेचा विखे पाटलांवर निशाणा; केले गंभीर आरोप

कल्याण रेल्वे स्थानक परिसरात क्रमांक एकच्या फलाटापासून काही अंतरावर रुळावरून एक प्रवाशी काल पहाटे च्या सुमारास घरी परतत होता. अंधाराचा फायदा घेत अज्ञात चोरटा या ठिकाणी दबा धरून बसला होता. अचानक या चोरट्याने प्रवाशाला पकडलं. त्याला चाकूचा धाक दाखवत त्याच्याकडील महागडा मोबाईल हिसकावून चोरट्याने तिथून पळ काढला. या प्रकरणी प्रवाशाने कल्याण रेल्वे पोलिस ठाण्यात तक्रार नोंदवली. प्रवाशाने या चोरट्याचं वर्णन पोलिसांना सांगितलं. या वर्णनाच्या आधारे रेल्वे पोलिसांच्या पथकाने या चोरट्याचा शोध सुरू केला. पोलिसांनी अवघ्या दोन तासांत या चोरट्याला कल्याणमधील बैलबाजार परिसरातून अटक केली. या चोरट्यांकडून पोलिसांनी चाकू व चोरीला गेलेला मोबाइल हस्तगत केला आहे. अटक केलेला मोनू चाळके हा अंबरनाथ येथील रहिवासी असून त्याच्या विरोधात आधी देखील गुन्हे दाखल असल्याची माहिती रेल्वे पोलिसांनी दिली आहे.