No mask in Maharashtra | सगळ्यात महत्त्वाचं म्हणजे गुढीपाडव्याच्या दिवशी शोभा यात्रा काढण्यासाठीही परवानगी देण्यात आली आहे. इतकंच नाहीतर मास्क वापरण्यावरही सक्ती नसणार आहे.
हायलाइट्स:
- या दोन्ही कायद्यांखाली राज्यात लागू झालेले सर्व निर्बंधही रद्द झाले आहेत
- मास्क वापरण्यापासून ते प्रवासासाठी लसीकरणाची सक्ती असे सर्व निर्बंध मागे
यावेळी राजेश टोपे यांनी म्हटले की, यावेळी राजेश टोपे यांनी म्हटले की, करोनाच्या काळात महाराष्ट्रात एपिडमिक अॅक्ट आणि डिझास्टर अॅक्ट लागू करण्यात आला होता. त्यानुसार राज्यात निर्बंधांची अंमलबजावणी झाली होती. आजच्या मंत्रिमंडळाच्या बैठकीत एपिडमिक अॅक्ट आणि डिझास्टर अॅक्ट रद्द करण्याचा ठराव मंजूर करण्यात आला. त्यामुळे या दोन्ही कायद्यांखाली राज्यात लागू झालेले सर्व निर्बंधही रद्द झाले आहेत. यामध्ये मास्क वापरण्यापासून ते प्रवासासाठी लसीकरणाची सक्ती अशा सर्व निर्बंधांचा समावेश आहे. सार्वजनिक ठिकाणी आता नागिरकांनी मास्क घालणे हे ऐच्छिक असेल, पण बंधनकारक नसेल. निर्बंध हटवण्यात आले असले तरी नागरिकांनी एकदम बिनधास्तपणे वागू नये, असा सल्लाही राजेश टोपे यांनी दिला.
आरोग्य कर्मचाऱ्यांसाठी मोठा निर्णय
यावेळी राजेश टोपे यांनी राज्यातील आरोग्य कर्मचाऱ्यांसंदर्भात एक महत्त्वाची घोषणा केली. त्यानुसार ४० ते ५० वयोगटातील २२ लाख आरोग्य कर्मचाऱ्यांची दोन वर्षांतून एकदा आरोग्य चाचणी होणार असल्याची घोषणा केली. या चाचण्यांची किंमत साधारण ५००० रुपये इतकी असले. तर ५० ते ६० या वयोगटातील आरोग्य कर्मचाऱ्यांनाही वर्षातून एकदा आरोग्य चाचणी बंधनकारक असेल. यासाठी एकूण १०५ कोटी रुपयांची तरतूद करण्यात आल्याची माहिती राजेश टोपे यांनी दिली.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : mask restrictions no mask is mask compulsory in maharashtra health minister rajesh tope give explanation
Marathi News from Maharashtra Times, TIL Network
Marathi News from Maharashtra Times, TIL Network
