मुंबई : छोट्या पडद्यावरील प्रसिद्ध अभिनेत्री मृणाल दुसानीस हिच्या घरी चिमुकल्या परीचं आगमन झालं आहे. मृणाल आणि तिचा नवरा नीरज मोरे यांनी इन्स्टाग्रामवर फोटो आणि पोस्ट शेअर करत चाहत्यांना ही माहिती दिली आहे. याच पोस्टमध्ये मृणालनं तिच्या लेकीचं नाव आणि तिची जन्मतारीखही शेअर केली आहे.
मृणालची इन्स्टा पोस्ट

मृणालनं तिच्या इन्स्टाग्रामवर एक पोस्ट शेअर केली आहे. त्यात तिनं असं म्हटलं आहे की, ‘बाबांची छकुली आणि आईचं संपूर्ण विश्व!!! आमच्या परीचं झालं आगामन..’ याच पोस्टमध्ये मृणालनं तिच्या लेकीचं नाव नुरवी असं ठेवल्याचं सांगितलं आहे. तसंच तिचा जन्म २४ मार्च २०२२ रोजी झाल्याचंही नमूद केलं आहे. ही पोस्ट शेअर करताना मृणालनं तिचा, नवरा नीरज आणि लेक नुरवी यांच्या हातांचा सुंदर ब्लॅक अँड व्हाईट फोटो शेअर केला आहे.

Photo : कपाळावर टिळक लावून भक्तीत रमली सारा अली खान

मृणालवर होतोय शुभेच्छांचा वर्षाव

मृणालनं शेअर केलेल्या या पोस्टवर चाहत्यांनी तर शुभेच्छांचा वर्षाव केला आहेच.शिवाय मराठी मनोरंजन विश्वातील अनेक कलाकारांनीही मृणाल आणि नीरजचं अभिनंदन केलं आहे. त्यामध्ये शर्मिष्ठा राऊत, हर्षदा खानविलकर, हेमांगी कवी, अश्विनी कासार,सुरुची आडारकर, पियुष रानडे, ऋतुजा बागवे, श्रेया बुगडे, सुकन्या मोने, तेजस बर्वे, सावनी रविंद्र, चैत्राली गुप्ते, भाग्यश्री लिमये यांचा समावेश आहे. अभिज्ञा भावे हिनं तर मजेशीर कमेन्ट केली आहे. तिनं लिहिलं आहे की, ‘नुरवी पुरवी प्रेम कृपा जयाची…. अभिनंदन घरी लक्ष्मी आली…’

जाॅन अब्राहमचा ‘अटॅक’ झाला रिलीज, ही आहेत सिनेमा पाहण्याची ५ कारणं

मृणाल दुसानीस पोस्ट

दरम्यान, काही दिवसांपूर्वी मृणालनं तिच्या घरी लवकरच नवा पाहुणा येणार असल्याची पोस्ट शेअर केली होती. ही पोस्ट शेअर करताना मृणालनं लहान बाळाच्या कपडे, त्यांच्या खेळण्यांचा फोटो शेअर केला होता. हा फोटो शेअर करत तिनं लिहिलं होतं की, ‘आम्ही आमच्या घरी येणाऱ्या नव्या पाहुण्याच्या आगमनासाठी सज्ज झालो आहोत. आम्ही ठरवलं आहे की आता जास्त वेळ झोपायचं नाही. घरासाठी वेळ द्यायचा. घर स्वच्छ ठेवण्यावर भर द्यायचा. कारण खूप आनंद घेऊन चिमुकली पावलं आता घरभर फिरणार आहेत.’, असं तिने पोस्टमध्ये नमूद केलं आहे.

LEAVE A REPLY

Please enter your comment!
Please enter your name here