Russia Ukraine War : युक्रेनचं रशियाला चोख प्रत्युत्तर; एअर स्ट्राइक करून इंधन तळ उद्ध्वस्त – ukraine-helicopters-attacks-oil-facility-in russia-belgorod city video viral
मॉस्को : रशियाकडून सतत होत असलेल्या हल्ल्यांनी बेजार झालेल्या युक्रेनने अखेर जोरदार प्रत्युत्तर दिलं आहे. युक्रेनच्या सैन्याने रशियाच्या सीमेपासून ४० किलोमीटर आतमध्ये असणाऱ्या बेलगोरोड शहरात घुसून एअर स्ट्राइक केला. या हवाई हल्ल्यात रशियातील इंधन तळ उद्ध्वस्त झालं आहे. मात्र रशिया युक्रेनवर केलेल्या हल्ल्यांना योग्य ठरवण्यासाठी आपल्याच प्रदेशात बनावट हल्ला करू शकतं, असं अनेक पाश्चिमात्य देशांनी म्हटलं होतं. या पार्श्वभूमीवर झालेल्या एअर स्ट्राइकमुळे संभ्रम निर्माण झाला आहे. (Russia Ukraine War Latest Updates)
युक्रेनने रशियावर केलेल्या हवाई हल्ल्याचा एक व्हिडिओ सोशल मीडियावर व्हायरल झाला आहे. या व्हिडिओनुसार सकाळी ५ वाजून ४३ मिनिटांनी हा हल्ला करण्यात आला. रशियाच्या इंधन तळावर हल्ला केल्याचं या व्हिडिओतून दिसत आहे.
युक्रेनकडून अधिकृत भाष्य नाही!
रशियावर केलेल्या हल्ल्याबाबत अद्याप युक्रेनकडून कोणतीही अधिकृत माहिती देण्यात आलेली नाही. त्यामुळे खरंच युक्रेनने हा हल्ला केला की आपले आक्रमण योग्य ठरवण्यासाठी आणि सहानुभूती निर्माण करण्यासाठी रशियानेच आपल्या भागात हल्ल्या घडवून आणला, हे अद्याप स्पष्ट झालेलं नाही.
Russia Ukraine War : रशियाच्या हल्ल्यानंतर ३८ व्या दिवशी युक्रेनमधून धक्कादायक माहिती
