Imran Khan: माझ्यासमोर ‘हे’ तीनच पर्याय!; इम्रान खान यांनी केला मोठा गौप्यस्फोट
नॅशनल असेंब्लीत पोहोचले १९८ खासदार
अविश्वास प्रस्तावावरील मतदानासाठी पाकिस्तानच्या नॅशनल असेंब्लीत आतापर्यंत १९८ खासदार पोहोचले आहेत. यामध्ये इम्रान खान यांच्या पाकिस्तान तहरीक ए इन्साफ (PTI) पक्षाचे २२ खासदार असून इतर सर्व खासदार विरोधी पक्षाचे असल्याचं सांगण्यात येत आहे. आमच्यासोबत १७४ खासदार असल्याचा दावा सध्या विरोधात असणाऱ्या पाकिस्तान मुस्लीम लीग (नवाझ) या पक्षाचे नेते मरियम नवाज यांनी केला आहे. पाकिस्तानमध्ये संसदेत बहुमतासाठी १७२ खासदारांची आवश्यकता असते. त्यामुळे इम्रान खान यांची खुर्ची जाणार, हे आता जवळपास निश्चित झाल्याचं सांगण्यात येत आहे.
इम्रान खान सहभागी होणार नाहीत?
नॅशनल असेंब्लीत अविश्वास प्रस्तावावर मतदान होत असताना या प्रक्रियेत स्वत: इम्रान खान हे मात्र सहभागी होणार नसल्याची माहिती समोर येत आहे. त्यामुळे सरकार टिकवण्यासाठी इम्रान खान नक्की काय रणनीती आखत आहेत, याबाबत संभ्रम निर्माण झाला आहे.
दरम्यान, अविश्वास प्रस्तावात बहुमत सिद्ध करण्यात अपयश आल्यास इम्रान खान यांचा पीटीआय पक्ष देशभरात आक्रमक आंदोलन करून विरोधकांना कोंडीत पकडण्याची शक्यता आहे.
