विदर्भ, मराठवाड्यातील अकाशातील गूढ दृश्यांचे कोडे उलगडले; जाणून घ्या सविस्तर…
मशिदींवरील बेकायदेशीर भोंगे उतरवा नाहीतर आम्ही लाऊडस्पीकरवर ‘हनुमान चालिसा’ लावू असा इशारा मनसे प्रमुख राज ठाकरे यांनी मुंबईत गुढी पाडव्याच्या मुहूर्तावर झालेल्या सभेत दिला होता. हा इशारा मनसेने प्रत्यक्षात आणायला सुरुवात झाली आहे. घाटकोपरमध्येही मनसेच्या कार्यकर्त्यांनी सार्वजनिक ठिकाणी लाऊडस्पीकरवर ‘हनुमान चालिसा’ पठण सुरू केलं.
यानंतर आता कल्याण पश्चिमेला साई चौक येथील मनसे जिल्हा मध्यवर्ती कार्यालयावर भोंगा लावत मनसे कार्यकर्त्यांनी केलं हनुमान चालिसा पठण केले. तसेच मनसे कार्यकर्त्यांनी जय श्रीराम नारा सुद्धा दिला. देशातील अनेक कोर्टांनी मशिदींवरील अजान ऐकविणारे भोंगे बेकायदेशीर असून ते हटवावे अशा स्वरुपाचे निर्णय दिले आहेत.
भोग्यांमुळे ध्वनीप्रदूषण होते हे पण एक कारण दिले जाते. पण आजही अनेक मशिदींवर भोंगे अर्थात लाऊडस्पीकर आणि स्पीकर कायम आहेत. या भोंग्यांवरून दररोज पाच वेळा अजान ऐकवली जाते. उघडपणे हा बेकायदा प्रकार सुरू आहे. पण या विरोधात अद्याप कारवाई झालेली नाही. या प्रकाराविरोधात मनसे आता आक्रमक झाल्याचे चित्र आहे.
‘तुमची दहशत गुंड-बलात्काऱ्यांना दाखवा’, सभेत दगडफेक झाल्याने चित्रा वाघ संतापल्या
