मोठी बातमी : जगनमोहन रेड्डींचा धमाका; एकाच दिवसात बदलून टाकला राज्याचा भूगोल! – andhra-pradesh-cm-ys-jagan-mohan-reddy big decision 13-new-districts in the state

अमरावती : आंध्र प्रदेशचे मुख्यमंत्री वाय एस जगनमोहन रेड्डी हे आपल्या धाडसी निर्णयांसाठी ओळखले जातात. मुख्यमंत्री रेड्डी यांनी आता आणखी एक मोठा निर्णय घेत सर्वांनाच आश्चर्याचा धक्का दिला आहे. आंध्र प्रदेशमध्ये आणखी १३ जिल्ह्यांची निर्मिती करण्यात येत असल्याची घोषणा मुख्यमंत्री जगनमोहन रेड्डी (Y S Jagan Mohan Reddy Government) यांनी केली आहे. त्यामुळे आंध्र प्रदेशमधील एकूण जिल्ह्यांची संख्या १३ वरून आता थेट २६ इतकी होणार आहे. (Andhra Pradesh New Districts)

नव्या जिल्ह्यांची निर्मिती केल्यानंतर वाय एस जगनमोहन रेड्डी यांनी प्रशासकीय अधिकाऱ्यांमध्येही फेरबदल केले आहेत. नवनिर्मित जिल्ह्यांमध्ये जिल्हाधिकारी आणि पोलीस अधीक्षकांचीही नियुक्ती करण्यात आली आहे.

Anil Deshmukh: तुरुंगात अनिल देशमुखांची प्रकृती बिघडली, व्हिलचेअरवरून जे.जे. रुग्णालयात; शस्त्रक्रिया होणार

निवडणूक जाहीरनाम्यात दिलं होतं आश्वासन

जगनमोहन रेड्डी यांनी २०१९ च्या विधानसभा निवडणुकीच्या जाहीरनाम्यात जनतेला अनेक आश्वासने दिली होती. यामध्ये जिल्ह्यांची संख्या वाढवत प्रत्येक लोकसभा मतदारसंघाचा वेगळा जिल्हा करण्यात येईल, या आश्वासनाचाही समावेश होता. त्यानुसार आता अखेर तीन वर्षांनी रेड्डी यांनी या आश्वासनाची पूर्तता करत जिल्ह्यांची संख्या थेट दुप्पट केली आहे.

कोणत्या जिल्ह्यात कोण झालं जिल्हाधिकारी?

नव्याने निर्मिती करण्यात आलेल्या कृष्णा जिल्ह्याचे जिल्हाधिकारी म्हणून जे. निवास, गुंटूरमध्ये विवेक यादव, पूर्वी गोदावरी येथे चेवुरी हरीकिरण आणि प्रकाशममध्ये प्रवीण कुमार यांना जिल्हाधिकारीपदाची जबाबदारी देण्यात आली आहे. तसंच श्रीकाकुलम येथे श्रीकेश लथकर, सूर्यकुमारी (विजयनगरम), ए मल्लिकार्जुन (विशाखापट्टनम), केवीएन चक्रधर बाबू (नेल्लोर), हरिनारायण (चित्तूर), विजयारामाजू (कडपा), पी कोटेश्वर राव (कुरनूल) आणि एस नागलक्ष्मी (अनथापुरम) यांना जिल्हाधिकारीपदावर कायम ठेवण्यात आलं आहे.