Anil Deshmukh | सध्या सोशल मीडियावर अनिल देशमुख यांचा जे.जे. रुग्णालयात दाखल करतानाचा हा व्हिडिओ व्हायरल होत आहे. जे.जे. रुग्णालयातील लिफ्टच्या समोरच्या परिसरात हा व्हीडिओ चित्रीत करण्यात आला आहे.
हायलाइट्स:
- अनिल देशमुख यांना २ एप्रिल रोजीच जे.जे. रुग्णालयात दाखल करण्यात आले होते
- आता त्यांच्या खांद्यावर शस्त्रक्रिया झाल्यानंतर त्यांना रुग्णालयातून सोडले जाईल
राज्य सरकारला पुन्हा धक्का; देशमुख यांच्यासंदर्भातील याचिका सुप्रीम कोर्टाने फेटाळली!सध्या सोशल मीडियावर अनिल देशमुख यांचा जे.जे. रुग्णालयात दाखल करतानाचा हा व्हिडिओ व्हायरल होत आहे. जे.जे. रुग्णालयातील लिफ्टच्या समोरच्या परिसरात हा व्हीडिओ चित्रीत करण्यात आला आहे. याठिकाणी अनिल देशमुख पोलिसांच्या गराड्यात व्हिलचेअरवर बसलेले दिसत आहेत. तुरुंगात असताना देशमुख यांचे पूर्ण रुप बदललेलं असून त्यांच्या डोक्यावरचे सगळे केस पांढरे झालेले दिसत आहे. महाविकास आघाडी सरकारमध्ये गृहमंत्री असतानाचा अनिल देशमुख यांची ऐट आणि रुबाब लक्षात घेता सध्याची त्यांची अवस्था निश्चितच धक्कादायक आहे.
Sharad Pawar: ईडी ५०, सीबीआय ४०, IT २०; अनिल देशमुख यांच्या कुटुंबावर एकूण ११० धाडी पडल्या: शरद पवारप्राथमिक माहितीनुसार, अनिल देशमुख यांना २ एप्रिल रोजीच जे.जे. रुग्णालयात दाखल करण्यात आले होते. आता त्यांच्या खांद्यावर शस्त्रक्रिया झाल्यानंतर त्यांना रुग्णालयातून सोडले जाईल. अनिल देशमुख, बडतर्फ पोलीस अधिकारी सचिन वाजे आणि कुंदन शिंदे यांच्या भ्रष्टाचाराची एसआयटीमार्फत चौकशी करण्याची राज्य सरकारची मागणी सर्वोच्च न्यायालयाने नुकतीच फेटाळून लावली होती. आता ही चौकशी सीबीआयमार्फत होणार आहे. त्यासाठी सीबीआयकडून अनिल देशमुख यांचा ताबा घेतला जाणार होता. सीबीआयने ताबा घेतल्यानंतर देशमुख, वाझे आणि पालांडे यांना चौकशीसाठी दिल्लीला नेले जाईल, अशीही चर्चा होती. मात्र, त्यापूर्वीच अनिल देशमुख यांना जे.जे. रुग्णालयात दाखल करण्यात आले आहे. दरम्यान, सीबीआयने कुंदन शिंदे, संजीव पलांडे आणि सचिन वाझे या तिघांचा ताबा घेतला आहे. आता सीबीआय या तिघांच्या चौकशीला सुरुवात करेल. या तपासात आणखी कोणत्या नव्या गोष्टींचा उलगडा होणार, हे आता पाहावे लागेल.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : ncp leader anil deshmukh admitted to j j hospital in mumbai for surgery
Marathi News from Maharashtra Times, TIL Network
Marathi News from Maharashtra Times, TIL Network
