Devendra Fadnavis | समृद्धी महामार्गाच्या उद्घाटनाचा मुहूर्त जससजा जवळ येत आहे त्यावरून श्रेयवादाचे राजकारण रंगायला सुरुवात झाली आहे. ठाकरे सरकार १ मे रोजी महाराष्ट्र दिनाच्या मुहूर्तावर समृद्धी महामार्गाचे उद्घाटन करणार असल्याची सूत्रांची माहिती आहे.

 

Devendra Fadnavis BJP
Devendra Fadnavis | समृद्धी महामार्गाच्या उभारणीला जे लोक विरोध करत होते, ते लोकही आज रस्त्याच्या उद्घाटनासाठी प्रयत्न करत आहेत.

हायलाइट्स:

  • २० वर्षांपासून ही संकल्पना माझ्या डोक्यात होती
  • आता कोणीही हे श्रेय हिरावण्याचा प्रयत्न केला तरी त्यांना यश मिळणार नाही
मुंबई: समृद्धी महामार्गाच्या मुद्द्यावरून सत्ताधारी आणि विरोधकांमध्ये श्रेयवादाचे राजकारण रंगण्यास सुरुवात झाली आहे. या पार्श्वभूमीवर विरोधी पक्षनेते देवेंद्र फडणवीस (Devendra Fadnavis) यांनी आपल्या वक्तव्याने सर्वांचे लक्ष वेधून घेतले आहे. समृद्धी महामार्गाबाबत कोणीही कितीही प्रयत्न केले तरी माझे नाव त्यांना मिटवता येणार नाही. हे जनतेचे श्रेय आहे. त्यांनी मला तेव्हा मुख्यमंत्रीपदाची संधी दिली म्हणून मी समृद्धी महामार्गाबाबत (samruddhi mahamarg) निर्णय घेऊ शकलो. २० वर्षांपासून ही संकल्पना माझ्या डोक्यात होती. त्यामुळे आता कोणीही हे श्रेय हिरावण्याचा प्रयत्न केला तरी त्यांना यश मिळणार नाही, असे देवेंद्र फडणवीस यांनी सूचित करण्याचा प्रयत्न केला. ते मंगळवारी मुंबईत प्रसारमाध्यमांशी बोलत होते.
Devendra Fadnavis: ठाकरे सरकार पाडण्याचा मुहूर्त कधी?; फडणवीसांनी जाहीर सभेत सांगितला कार्यकर्त्यासोबतचा संवाद
मुंबईत नुकत्याच पार पडलेल्या मेट्रो प्रकल्पांच्या उद्घाटनाला राज्य सरकारने देवेंद्र फडणवीस यांना निमंत्रण दिले नव्हते. त्यामुळे समृद्धी महामार्गाच्या उद्घाटन सोहळ्यापासूनही ठाकरे सरकार फडणवीसांना बाजूला ठेवणार का, याबाबत चर्चा सुरु झाली आहे. याविषयी देवेंद्र फडणवीस यांनी विचारले असता त्यांनी महाविकास आघाडी सरकारला अप्रत्यक्षपणे टोले लगावले. मला एका गोष्टीचा आनंद आहे की, त्यावेळी समृद्धी महामार्गाच्या उभारणीला जे लोक विरोध करत होते, ते लोकही आज रस्त्याच्या उद्घाटनासाठी प्रयत्न करत आहेत. हे पाहून मला आनंद वाटतो, असे फडणवीस यांनी सांगितले.
बहुचर्चित समृद्धी महामार्ग मेअखेरीस खुला होणार; मुख्यमंत्र्यांनी दिले ‘हे’ आदेश
ठाकरे सरकार १ मे रोजी महाराष्ट्र दिनाच्या मुहूर्तावर समृद्धी महामार्गाचे उद्घाटन करणार असल्याची सूत्रांची माहिती आहे. परंतु, समृद्धी महामार्गाचे संपूर्ण काम अद्याप पूर्ण झालेले नाही, असा आरोप देवेंद्र फडणवीस यांनी केला. समृद्धी महामर्ग सुरु होतोय, या गोष्टीचा मला आनंद आहे. पण समृद्धी महामार्गाची सर्व कामं अद्याप पूर्ण झालेली नाहीत. ती काम पूर्ण करूनच या महामार्गाचे उद्घाटन झाले पाहिजे. घाईघाईत समृद्धी महामार्गाचे उद्घाटन केले तर अपूर्ण कामांमुळे या महामार्गाचे महत्त्व कमी होईल, अशी चिंता देवेंद्र फडणवीस यांनी व्यक्त केली.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : bjp devendra fadnavis taunts mahavikas aghadi govt over samruddhi mahamarg inauguration
Marathi News from Maharashtra Times, TIL Network

LEAVE A REPLY

Please enter your comment!
Please enter your name here