मुंबई: मनसे अध्यक्ष राज ठाकरे यांनी मशिदीवरील बेकायदा भोंगे उतरवा; अन्यथा आम्ही हनुमान चालिसा लावू, असा इशारा दिल्यानंतर हा मुद्दा पुन्हा एकदा चर्चेत आलाय. यापूर्वी प्रसिद्ध गायक सोनू निगम यानंही सोशल मीडियावर अशाच प्रकारची तक्रार केली होती. त्यानंतर मोठा वादही निर्माण झाला होता.

आता ज्येष्ठ गायिका अनुराधा पौडवाल यांनी यावर प्रतिक्रिया दिली आहे. नुकत्यात दिलेल्या एका मुलाखतीत अनुराधा यांनी मशिदीवरील अनाज यावर वक्तव्य केलंय. इस्लामिक राष्ट्रांत जर स्पीकरवर मोठ्या आवाजात अजान वाजवली जात नसेल तर भारतात कशाला? असा प्रश्नही अनुराधा यांनी उपस्थित केला.

‘मी काही आखाती देशांत जाऊन आले. तिथं लाऊडस्पीकरवर बंदी असल्याचं पाहिलं. आपल्या इथं आता अजानप्रमाणे लाऊडस्पीकरवर हनुमान चालीसा वाजवायला सुरुवात केली तर हा वाद आणखी वाढणार आहे, हे पाहवत नाही’, असं अनुराधा यांनी म्हटलंय.

स्वत:चा संघर्ष पाहून प्रविण तांबे भावुक, व्हिडिओ सोशल मीडियावर व्हायरल
दरम्यान, गीतकार जावेद अख्तर यांनी देखील या संदर्भात काही महिन्यांपूर्वी ट्विट केलं होतं. गेल्या ५० वर्षांपासून लाउडस्पीकरवर अजान हराम होती. पण आता हलाल झालीय तरीही ती बंद होत नाहीए. अजानमुळे होणारा त्रास काही जण समजतील आणि स्वतःहून लाउडस्पीकरवरील अजान बंद करतील. अजानमुळे नागरिकांना त्रास होतो, असं जावेद अख्तर यांनी ट्विटमध्ये म्हटलं होतं.

LEAVE A REPLY

Please enter your comment!
Please enter your name here