मावळ्याच्या वेशातला फोटो, साईनाथला शुभेच्छा, हकालपट्टी झाल्यानंतर वसंत मोरे यांचं पहिलं ट्विटतसेच राज ठाकरे यांनी मला शहर अध्यक्षपदावरून हटवले म्हणून त्याला माझी हकालपट्टी करण्यात आली असे म्हणता येणार नाही. यापूर्वी अजय शिंदे यांना शहर अध्यक्षपदावरून दूर केले होते. तेव्हा कोणीही असे बोलले नव्हते. मनसेत आम्हाला आदेश येतो आणि त्या आदेशाचे पालन करावे लागते, असे वसंत मोरे यांनी सांगितले.
आतापर्यंत माझं कोणाशाही बोलणं झालेलं नाही. मला कोणाचाही फोन आला नव्हता. मलाही शहर अध्यक्षपदावरून हटवल्याची माहिती तुमच्याप्रमाणेच फेसबुकवरून समजली. यादरम्यान मला काही नेत्यांचे फोन आले होते. आपण साहेबांची वेळ घेऊन त्यांना भेटू, असे त्यांनी सांगतिले. यावर तुम्ही वेळ घेऊन सांगा, मी येतो, असे मी संबंधित नेत्यांना सांगितल्याचाही खुलासा वसंत मोरे यांनी केला.
मनसेने पंख छाटताच वसंत मोरेंना राष्ट्रवादीकडून ऑफर; काय निर्णय घेणार?
पुण्याच्या शहराध्यक्षपदी साईनाथ बाबर यांची वर्णी
वसंत मोरे यांच्या भूमिकेनंतर मनसेच्या गोटात वादळ निर्माण झाले होते. या पार्श्वभूमीवर राज ठाकरे यांनी गुरुवारी शिवतीर्थवर पुण्यातील पदाधिकाऱ्यांची बैठक बोलावली होती. या बैठकीला बाबू वागस्कर, अनिल शिदोरे, नगरसेवक साईनाथ बाबर यांना बोलावण्यात आले होते. या बैठकीअंती साईनाथ बाबर यांची पुणे शहराध्यक्षपदी नियुक्ती करण्यात आली.
