राज्यावर वीज दरवाढीचे संकट; येत्या दोन महिन्यात वीज दरवाढीच्या निर्णयाची दाट शक्यता
माजी महापौर मुरलीधर मोहोळ, शहराध्यक्ष जगदीश मुळीक, माजी सभागृह नेते धीरज घाटे, संघटन सरचिटणीस राजेश पांडे, शहर उपाध्यक्ष श्रीपाद ढेकणे यांच्यासह ५०हून अधिक भाजपजणांनी कोल्हापुरला भेट दिली आहे. यातील काही जण अद्यापही तेथेच तळ ठोकून आहेत तर काही पुण्यात परतले आहेत. विधानसभेचे विरोधी पक्षनेते देवेंद्र फडणवीस यांची रविवारी कोल्हापुरात प्रचार सभा असल्याने पुण्यातील अनेक जण रविवारी पुन्हा कोल्हापुरात दाखल होणार असल्याची चर्चा आहे. पुणे महापालिकेच्या निवडणुका येत्या सहा महिन्यांत होणार असल्याने चंद्रकांत पाटलांच्या नजरेत भरण्यासाठी अनेक जण प्रामाणिकपणे कोल्हापुरातील पोटनिवडणुकीत जोरदार प्रचार करत आहेत. त्यामुळे पुणे महापालिकेच्या तिकिटाचा प्रवास हा कोल्हापुरच्या पोटनिवडणुकीतून जात असल्याची चर्चा रंगली आहे.
‘दादा परत या’चे फ्लेक्स
कोल्हापूर पोटनिवडणुकीसाठी पाटील तेथे तळ ठोकून आहेत. मूळचे कोल्हापूरचे असलेल्या पाटलांनी २०१९मध्ये ऐन वेळी पुण्यातून विधानसभेची निवडणूक लढवली होती. त्यामुळे बाहेरचा उमेदवार अशी त्यांच्यावर जोरदार टीकाही झडली होती. या पार्श्वभूमीवर कोथरूड परिसरात पाटील यांच्या विरोधकांनी ‘दादा परत या’ या आशयाचे फ्लेक्स लावून त्यांच्यावर टीका केली आहे. ‘दादा, एक महिना झाला, तुमचा शोध कुठेच लागत नाही. आम्ही तुम्हाला काहीही बोलणार नाही. तुम्ही जेथे कुठे असाल, तिथून परत या. आम्ही तुमची वाट पाहतोय- समस्त कोथरूडकर’, अशा आशयाचे फ्लेक्स कोथरूड परिसरात लावण्यात आले आहेत.
मोठी बातमी! खेडचे नगराध्यक्ष वैभव खेडेकर यांच्यावर सहा वर्षांसाठी अपात्रतेची कारवाई
