यवतमाळ : सध्याच्या या धावत्या जगात कोणाची साथ कधी सुटेल याचा काही नेम नाही. अशीच एक काळजाचा ठोका चुकावणारी घटना यवतमाळमध्ये समोर आली आहे. प्राचार्य पदावरून सेवानिवृत्त झालेल्या पत्नीचा सत्कार सोहळा अत्यंत उत्साहात सुरू असतानाच अचानक त्यांच्या पतीला भोवळ आली आणि सर्वांच्या डोळ्यादेखत त्यांचे निधन झाले. या घटनेमुळे संपूर्ण परिसरात खळबळ उडाली असून पत्नीला मोठा धक्का बसला आहे.
शेकडो उपस्थितांचे मन हेलावून टाकणारा हा प्रसंग गुरुवारी दुपारी जिल्हा शिक्षण व प्रशिक्षण संस्थेच्या सभागृहात घडला. विकास महाजन असे मृताचे नाव आहे. त्यांच्या पत्नी डॉ. रेखा महाजन या गेल्या काही वर्षांपासून जिल्हा शिक्षण व प्रशिक्षण संस्थेत प्राचार्य होत्या. ३१ मार्च रोजी त्या सेवानिवृत्त झाल्या. त्यानिमित्त कर्मचाऱ्यांनी गुरुवारी त्यांचा निरोप समारंभ आयोजित केला होता. यावेळी डॉ. रेखा महाजन व त्यांचे पती निवृत्त कृषी अधिकारी विकास महाजन या दोघांच्या हस्ते जिल्ह्यातील पीचएडी प्राप्त शिक्षकांचा सत्कार करण्यात आला. पुणे महापालिका निवडणुकीचं ‘तिकीट’ व्हाया कोल्हापूर, राजकीय वर्तुळात चर्चा या कार्यक्रमात विकास महाजन यांनी उपस्थित शिक्षकांना मार्गदर्शनपर भाषणही केले. भाषणानंतर ते मंचावर बसलेले असतानाच अचानक भोवळ येऊन ते खाली कोसळले. उपस्थितांनी त्यांना तातडीने एका खासगी रुग्णालयात नेले. मात्र, वाटेतच त्यांची प्राणज्योत मावळली. यावेळी महाजन दाम्पत्याच्या दोन मुली, मुलगा कार्यक्रमाला उपस्थित होते.
विशेष म्हणजे, आजी-आजोबांचा सत्कार पाहण्यासाठी त्यांची नातवंडेही आली होती. मात्र, सत्काराच्या आनंद सोहळ्यात सर्वांच्या डोळ्यादेखत विकास महाजन यांचा अचानक मृत्यू झाल्याने संपूर्ण महाजन परिवार शोकसागरात बुडाला आहे.
पुणे महापालिका निवडणुकीचं ‘तिकीट’ व्हाया कोल्हापूर, राजकीय वर्तुळात चर्चा
राज्यावर वीज दरवाढीचे संकट; येत्या दोन महिन्यात वीज दरवाढीच्या निर्णयाची दाट शक्यता
