Vasant More | वसंत मोरे यांची पुणे शहराध्यक्षपदावरून उचलबांगडी झाली होती. त्यानंतर साईनाथ बाबर यांच्याकडे या पदाची धुरा देण्यात आली आहे. त्यामुळे आता वसंत मोरे यांच्या प्रत्येक कृतीकडे लक्ष लागले आहे.

 

Vasant More Raj Thackeray
Vasant More | राज ठाकरे यांना मी गुरुवारी रात्री मोबाईलवरून मेसेज पाठवला होता.

हायलाइट्स:

  • मला बऱ्याच पक्षांकडून ऑफर्स आल्या आहेत
  • मी राज ठाकरे यांना भेटल्याशिवाय पुढचा कोणताही निर्णय घेणार नाही
पुणे: मी राज ठाकरे यांना भेटल्यानंतरच माझी पुढील भूमिका स्पष्ट करेन. मी राज ठाकरे यांच्याकडे भेटीची वेळ मागितली आहे. अद्याप त्यावर कोणताही प्रतिसाद मिळालेला नाही, असे स्पष्टीकरण मनसेचे पुण्यातील डॅशिंग नेते वसंत मोरे (Vasant More) यांच्याकडून देण्यात आले आहे. राज ठाकरे यांनी गुढीपाडवा मेळाव्यात मशिदींवरील भोंग्यांसंदर्भात घेतलेल्या भूमिकेला वसंत मोरे यांनी विरोध केला होता. त्यानंतर राज ठाकरे (Raj Thackeray) यांनी वसंत मोरे यांची पुणे शहराध्यक्षपदावरून उचलबांगडी केली होती. या पार्श्वभूमीवर आता वसंत मोरे हे मनसेतून बाहेर पडणार असल्याची जोरदार चर्चा सुरु झाली आहे. मुख्यमंत्री उद्धव ठाकरे यांच्याकडूनही वसंत मोरे यांना शिवसेनेत येण्याची ऑफर देण्यात आली आहे. त्यामुळे वसंत मोरे काय भूमिका घेतात, याकडे सगळ्यांच्या नजरा लागल्या आहेत.

या सगळ्या घडामोडींच्या पार्श्वभूमीवर वसंत मोरे यांनी आपली भूमिका स्पष्ट केली आहे. मला बऱ्याच पक्षांकडून ऑफर्स आल्या आहेत. मात्र, मी राज ठाकरे यांना भेटल्याशिवाय पुढचा कोणताही निर्णय घेणार नाही. राज ठाकरे यांना मी गुरुवारी रात्री मोबाईलवरून मेसेज पाठवला होता. त्यामध्ये मी राज ठाकरे यांच्याकडे भेटीसाठी वेळ मागितली होती. पण अजूनपर्यंत त्या मेसेजवर रिप्लाय आलेला नाही. आजपर्यंत मी मेसेज केल्यावर रिप्लाय आला नाही, असे कधीही झालेले नाही. कदाचित राजसाहेबांचा माझ्यावर थोडाफार राग असेल. मात्र, मी राजसाहेबांना भेटून त्यांच्यासमोर माझी भूमिका मांडणार आहे. मी मशिदींवरील भोंग्यांसदर्भात तसं को बोललो, हे मला त्यांना सांगायचे आहे, असे वसंत मोरे यांनी सांगितले.
राज ठाकरेंच्या दणक्यानंतरही वसंत मोरे म्हणाले, ‘झुकेगा नहीं, भूमिका बदलणार नाही!’
वसंत मोरेंना थेट उद्धव ठाकरेंकडून ऑफर

मुख्यमंत्री उद्धव ठाकरे यांनी वसंत मोरे यांना फोन करून आपण शिवसेनेत येण्याबाबत विचार करावा असं म्हंटल आहे. त्यामुळे पुण्यातील राजकारण ढवळून निघालं आहे. यावर अद्याप वसंत मोरे यांनी कोणतीही भूमिका घेतली नसून ते भविष्यात शिवसेनेत जाणार का ? अशा चर्चा आता रंगल्या आहेत.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : i will take final decision after meeting mns chief raj thackeray says vasant more
Marathi News from Maharashtra Times, TIL Network

LEAVE A REPLY

Please enter your comment!
Please enter your name here