कोर्टाच्या निकालानंतरही सदावर्तेंनी आंदोलकांना भडकावलं, ते भाजपची भाषा बोलत होते: रोहित पवारआम्ही कोणालाही त्रास देत नाही. आम्ही मराठी माणसं आहोत, महाराष्ट्रात राहतो, असे सांगत आंदोलकांनी रेल्वे पोलिसांच्या कारवाईला विरोध करण्याचा प्रयत्न केला. मात्र, रेल्वे पोलीस काहीही ऐकण्याच्या मनस्थितीत नाहीत. सध्या रेल्वे पोलिसांकडून सीएसएमटी स्थानकाचा परिसर खाली करण्याचे काम सुरु आहे. त्यामुळे एसटी आंदोलक पुन्हा संतप्त झाले आहेत. आमच्या मदतीला कोणीही येत नाही. सिल्व्हर ओकवर कोणी काय केलं आम्हाला माहिती नाही. आम्ही आझाद मैदानावर शांतपणे आंदोलन करत आहोत. आम्ही कोणत्याही परिस्थितीत इथून हटणार नाही, असा निर्धार एसी आंदोलकांनी व्यक्त केला आहे.
आझाद मैदानातून बाहेर काढल्यानंतर एसटी आंदोलनक आता जवळच असलेल्या छत्रपती शिवाजी महाराज टर्मिनस (CSMT) रेल्वे स्थानकावर ठिय्या देऊन बसले आहेत. आमच्या सर्व सहकाऱ्यांना घेतल्याशिवाय आम्ही माघारी परतणार नाही, अशी भूमिका या एसटी आंदोलकांनी घेतली आहे. आझाद मैदानावर पहाटे करण्यात आलेल्या कारवाईदरम्यान काही आंदोलकांना ताब्यातही घेण्यात आले आहे. तसेच काहीजणांना पोलिसांनी मारहाण केल्याचा आरोप एसटी आंदोलकांनी केला आहे. त्यामुळे आता हे प्रकरण आणखी किती चिघळणार, हे पाहावे लागेल.
