करोनानं धारावीतील ६४ वर्षीय व्यक्तीचा केईएम रुग्णालयात मृत्यू झाला असून, मृतांची संख्या आता दोनवर पोहोचली आहे. तर आणखी तीन करोनाबाधित सापडले असून, आज दिवसभरात सहा करोना रुग्णांची नोंद झाली आहे. धारावीतील करोनाबाधितांची एकूण संख्या १३ झाली आहे. धारावीमधील डॉ. बलिगा नगरातील चार जणांना करोनाची लागण झाली असून, त्यातील एकाचा मृत्यू झाला आहे, तर एकावर रुग्णालयात उपचार सुरू आहेत. वैभव अपार्टमेंटमधील एका ३५ वर्षीय व्यक्तीला करोनाची लागण झाली आहे. तर मुकुंद नगरमधील दोघांना करोनाचा संसर्ग झाला आहे. मदिना नगर, धनवाडा चाळ, मुस्लिम नगर, सोशल नगरमध्ये प्रत्येकी एक जण करोनाबाधित आहे. सोशल नगरमधील रुग्णाचा केईएममध्ये मृत्यू झाला होता. तर क्रॉस रोड येथे दोघांना करोनाची लागण झाल्याचं स्पष्ट झालं आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
