पिंपरी: हॉस्पिटलमधून परतणाऱ्या परिचारिकेला लुटण्याचा प्रयत्न झाल्याचा धक्कादायक प्रकार निगडीतील यमुनानगर परिसरात घडला आहे. बुधवारी (८ एप्रिल) दुपारी हा प्रकार घडला.
याबाबत रात्री उशिरापर्यंत संबंधित परिचारिकेनं पोलिसांत तक्रार दाखल केली नव्हती. मिळालेल्या माहितीनुसार, संबंधित परिचारिका प्राधिकरणातील एका हॉस्पिटलमध्ये काम करते. सहकारी परिचारिकेसह ती यमुनानगरपर्यंत दुचाकीवरून आली. यमुनानगर येथील एका शाळेजवळ दुचाकीवरून उतरल्यावर ती घराच्या दिशेने पायी निघाली होती. तेव्हा तेथे एक युवक आला. त्याने तिला धमकावले. तिच्याजवळील पर्स हिसकावण्याचा प्रयत्न झाला. त्याला परिचारिकेनं जोरदार प्रतिकार केला. त्यानं पर्स हिसकावून घेतली. मात्र, पर्समध्ये जास्त पैसे नसल्याने हा तरूण पळून गेला. याबाबत परिचारिकेनं रात्री उशिरापर्यंत तक्रार दिली नव्हती. निगडी पोलिसांनी या घटनेचा तपास सुरू केला आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
