Sanjay Raut | भाजप आमच्याशी थेट लढू शकत नाही. त्यामुळे आता ‘असे’ भोंगे लावून माहौल तयार केला जात आहे. ईडीच्या (ED) कारवाईपासून अभय मिळाल्यामुळेच हा भोंगा वाजत आहे
हायलाइट्स:
- राज ठाकरे यांनी कालच्या सभेत माझ्या शिवराळ भाषेचा मुद्दा उपस्थित केला
- राज ठाकरे यांनी कौतूक करायला पाहिजे होते
राज ठाकरे यांनी कालच्या सभेत माझ्या शिवराळ भाषेचा मुद्दा उपस्थित केला. पण महाराष्ट्रद्वेष्ट्या किरीट सोमय्या याच्याविरुद्ध मी वापरलेल्या शिवराळ भाषेचा मला गर्व आणि अभिमान आहे. मी किरीट सोमय्या यांच्याविरुद्ध शिवराळ भाषा का वापरली,याचा राज ठाकरे यांनी अभ्यास केला पाहिजे होता. जेणेकरून त्यांना माझी वेदना समजून घेता आली असती. हाच किरीट सोमय्या महाराष्ट्रातील शाळांमध्ये मराठी भाषा सक्तीची असू नये, म्हणून न्यायालयात गेला होता. सोमय्या आणि त्यांच्या पंटर्सनी मिळून मुंबईला महाराष्ट्रपासून तोडण्याचे प्रेंझेटेशन तयार केले आहे. त्यासाठी हे सर्वजण दिल्लीत लॉबिंग करत आहेत. ही गोष्ट समजल्यामुळे संतापाच्या भरात माझ्या तोंडातून शिवी बाहेर पडली. यासाठी मराठी जनता मला माफ करेल आणि उत्तेजनही देईल, अशी अपेक्षा संजय राऊत यांनी व्यक्त केली.
केंद्र सरकारने ‘ईडी’च्या कारवाईपासून अभय दिल्यामुळेच राज ठाकरेंचा भोंगा वाजतोय; संजय राऊतांचा पलटवार‘राज ठाकरे यांनी किरीट सोमय्यांना शिवतीर्थवर बोलवावं’
राज ठाकरे यांनी किरीट सोमय्या यांच्या मुंबई महाराष्ट्रापासून तोडण्याच्या भूमिकेचे समर्थन करायचे असेल तर त्यांनी ते जरूर करावे. राज ठाकरे यांची भूमिका बदलली असेल तर त्यांनी किरीट सोमय्या यांना शिवतीर्थवर बोलवून शाल-श्रीफळ देऊन त्यांचा सत्कार करावा. माझी त्याला कोणतीही हरकत नाही. पण मराठी माणूस ही गोष्ट सहन करणार नाही, असे संजय राऊत यांनी म्हटले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : mns chief raj thackeray should support shivsena over opposing kirit somaiya says sanjay raut
Marathi News from Maharashtra Times, TIL Network
Marathi News from Maharashtra Times, TIL Network
