‘शरद पवारांच्या घरावरील हल्ला भाजपचं षडयंत्र असेल तर मी खासदार पदाचा राजीनामा देईन’
भाजपचे माजी मंत्री राम शिंदे यांच्यासोबत भाजपचे जिल्हा सरचिटणीस सचिन पोटरे यांच्यावरही नाव न घेता त्यांनी टीका केली. मार्चमध्ये केलेल्या एका आंदोलनाच्यावेळी पोटरे यांनी केंद्र सरकारच्या कामाचे श्रेय घेण्यावरून पवार यांच्यावर टीका केली होती. त्याला रोहित पवार यांनी उत्तर देताना आपल्या कार्यकर्त्यांनाही वेळप्रसंगी आक्रमक होत परस्पर अशा प्रकारांना उत्तरे देण्यास सांगितले आहे.
दरम्यान, पोटरे आणि पवार यांच्यातील या आरोपप्रात्यारोपांची सध्या कर्जत-जामखेडमध्ये चर्चा आहे. यावेळी रोहित पवार यांनी मी राजकारणासाठी काम करत नसून समाजाच्या कल्याणासाठी करतो. हिम्मत असेल तर मागून नाही पुढे येऊन बोला, असं आवाहनही यावेळी रोहित पवार यांनी केलं. इतकंच नाहीतर त्यांनी सोशल मीडियावरूनही विरोधकांना उत्तर दिलं.
महिलेची हुशारी बघा! महावितरणाला लावला दोन लाखांचा चुना, मीटरमध्ये असं काही केलं की…
‘मी इतकी कामं करतो की ती सोशल मीडियावर शेअर करू शकतो. तुम्ही कामच करत नसल्यामुळे तुमच्याकडे सोशल मीडियावर शेअर करण्यासाठी काही नाही’ असंही रोहित पवार म्हणाले. यावेळी त्यांनी आपल्या पदाधिकाऱ्यांनाही सुनावलं. ‘एका दगडावर पाय ठेवा. दोन दगडांवर पाय ठेवून काम करू नका. आपल्यावर कोणी टीका केली तर तुम्हीही त्यांना उत्तर द्या’, अशा सूचना रोहित पवार यांनी दिल्या आहेत.
