Aaditya Thackeray | आदित्य ठाकरे यांनी यापूर्वीही मनसेवर खोचक टीका केली होती. त्यांनी मनसेला भाजपची सी टीम म्हणून हिणवले होते. अलीकडच्या काळात शिवसेना आणि मनसेतील शाब्दिक युद्ध तीव्र झाले आहे.
हायलाइट्स:
- या विषयावर मला फार टिप्पणी करायची नाही
- मनसेने भोंगे लावल्यास त्यावरून देशातील वाढत्या महागाईबाबत जनतेला माहिती द्यावी
केंद्र सरकारने ‘ईडी’च्या कारवाईपासून अभय दिल्यामुळेच राज ठाकरेंचा भोंगा वाजतोय; संजय राऊतांचा पलटवारयावेळी त्यांना मनसेच्या भोंग्यांच्या भूमिकेविषयी प्रतिक्रिया विचारण्यात आली. त्यावर आदित्य ठाकरे यांनी म्हटले की, या विषयावर मला फार टिप्पणी करायची नाही. पण मनसेने भोंगे लावल्यास त्यावरून देशातील वाढत्या महागाईबाबत जनतेला माहिती द्यावी. पेट्रोल-डिझेल, सीएनजी आणि अन्य गोष्टींची दरवाढ कशामुळे झाली, हे मनसेने भोंग्यांवरून सांगावे. साठ वर्षांपूर्वीची इतिहास न उगाळता गेल्या दोन-तीन वर्षांमध्ये काय झाले, हे सांगावे, असेही आदित्य ठाकरे यांनी म्हटले. यावरून मनसेचे नेते आता काय पलटवार करतात, हे पाहावे लागेल.
gulabrao patil : ‘राज ठाकरेंचा हा सगळा सिझनेबल कार्यक्रम’, गुलाबराव पाटलांची बोचरी टीकायापू्र्वीही आदित्य ठाकरे यांनी मनसेची खिल्ली उडवली होती. गुढीपाडवा मेळाव्यातील राज ठाकरे यांच्या भाषणामुळे मनसे ही भाजपच्या आणखी जवळ गेल्याची चर्चा होती. त्यामुळे आदित्य ठाकरे यांनी मनसेला भाजपची सी टीम म्हणून हिणवले होते. तसेच मी संपलेल्या पक्षांविषयी बोलत नाही, अशी बोचरी टीकाही आदित्य ठाकरे यांनी केली होती. मनसेच्या नेत्यांकडूनही आदित्य ठाकरे यांना तितक्याच तत्परतेने उत्तर देण्यात आले होते. शिवसेना ही तर काँग्रेस-राष्ट्रवादीची ‘ढ टीम’, असल्याची खोचक टिप्पणी मनसेचे नेते संदीप देशपांडे यांनी केली होती.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : shivsena leader aaditya thackeray tautns mns chief raj thackeray on mns stand about loudspeaker on mosque
Marathi News from Maharashtra Times, TIL Network
Marathi News from Maharashtra Times, TIL Network
