मुंबई : बॉलिवूडमधील खास घराणं म्हणून ओळखल्या जाणाऱ्या कपूर खानदानाची ११ वी सून बनून आलिया भट्टने १४ एप्रिलच्या दुपारी वास्तू या रणबीरच्या घरात माप ओलांडलं. आलियाच्या स्वागताची जय्यत तयारी कपूर कुटुंबाने केली होती. यामध्ये आलियाच्या नणंदाही काही मागे नव्हत्या. रणबीरच्या बहिणी रिध्दिमा, करिश्मा आणि करिना कपूर यांनी आलियाचं दणक्यात स्वागत केलं. रणबीर आणि आलिया यांच्यावर भेटवस्तूंचा वर्षाव होत असतानाच करिना आणि करिश्मा यांनी आलियाला दिलेल्या खास गिफ्टची लग्नघरात चांगलीच चर्चा सुरू होती.


रणबीर आणि आलियाचा एका स्पेशल फोटो फ्रेम करून आलियाच्या सेलिब्रिटी नणंदा करिना आणि करिश्मा यांनी दिला. फोटोसोबत, ‘आलिया तुला खूप शुभेच्छा. या कपूरांच्या घरात आणि आम्हा सर्वांच्या हृदयात तुझं खूप स्वागत,’ अशी खास नोट लिहून आलियासोबतचे फोटो शेअर केले. नटून थटून लग्नाला आलेल्या करिना आणि करिश्मा या दोघी नणंदांनी दिलेली खास गिफ्ट आलियालाही खूप आवडली.

आलियाच्या लग्नाला आलेच नाहीत काका मुकेश आणि रॉबिन,सोनी राजदान यांनी दिलेला आदेश

आलिया आणि रणबीर यांचं लग्न कोणत्या आलिशान हॉटेलमध्ये होणार की एखाद्या शाही राजवाड्यात हे प्रश्न चाहत्यांना पडले होते. पण रणबीरच्या वास्तू या घरातच रणबीर आणि आलियाने त्यांच्या नव्या जीवनाची सुरुवात केली. या लग्नात सगळ्यात जास्त मिरवत होत्या त्या रणबीरच्या बहिणी म्हणजेच आलियाच्या नणंदा. त्यातही आलियाप्रमाणे सिनेमा इंडस्ट्रीत असलेल्या करिना आणि करिश्मा यांच्या लूकनेही सगळ्यांच्या नजरा वेधल्या होत्या.

रणबीर आणि आलियाच्या लग्नासाठी पेस्टल थीम असल्याने करिना आणि करिश्माने नेसलेल्या साड्याही त्यांच्यावर खूपच खुलल्या होत्या. करिना आणि करिश्मा यांनी लग्नाच्या सगळ्या विधींचे फोटोही त्यांच्या इन्स्टापेजवर शेअर करत हे लग्न त्यांनी किती एन्जॉय केलं हे दाखवलं आहे.

आलिया करिना करिष्मा

लग्नसोहळ्यातही रणबीर आलिया धमाल मूडमध्ये होते. त्यांना त्यांचे मित्र, नातलग यांची आनंदाने साथ होतीच. लग्न झाल्यानंतर रणबीर आलिया घराबाहेर आले होते. मीडियाला फोटो देत होते. ते सगळं झाल्यावर अचानक रणबीरनं आलियाला उचललं आणि वास्तूत निघून गेला. रणबीरचा हा मूड लग्नविधीच्या वेळीही होता. लग्न लागताना आलिया वरमाला घालत होती. तिला सोपं पडावं म्हणून रणबीर चक्क गुडघ्यावर बसला होता.

आलिया भट्टच्या मंगळसूत्रात लपली रणबीरची खास गोष्ट

आलियाने तिच्या गळ्यात एक अतिशय सुरेख मंगळसूत्र घातले होते, ज्याच्या डिझाइनचा तिचा जीवनसाथी रणबीर कपूरशी विशेष संबंध आहे. वास्तविक, आलियाच्या या मंगळसूत्रात इन्फिनिटीचं सिम्बॉल आहे, जे सरळ पाहिल्यास ८ आकड्यासारखं दिसतं. हा रणबीरचा शुभ आकडा आहे. रणबीर ८ आकड्याबद्दल किती सकारात्मक आहे हे सगळ्यांनाच माहीत आहे. रणबीरच्या ८ नंबरवरील प्रेमामुळे आलियानेही या आकड्याला आपलं लकी चार्म मानण्यास सुरुवात केली आहे. सोनसाखळीसह मंगळसूत्रात फक्त एक मोती आहे.

LEAVE A REPLY

Please enter your comment!
Please enter your name here