इस्लामाबाद : कोरोना विषाणू संसर्गानंतर संपूर्ण जगभरात महागाई वाढत आहे. भारताचा शेजारी देश पाकिस्तानचा (Pakistan) विचार केला असता तिथं सध्या राजकीय संकट संपलं आहे. मात्र, सत्ता बदलल्यानंतर देशातील स्थिती खराब आहे. पाकिस्तानची आर्थिक स्थिती खराब झालेली आहे. आता सामान्य जनतेच्या डोक्यावर महागाईचा बॉम्ब फोडला जाण्याची शक्यता निर्माण झाली आहे. ओजीआरए या इंधन दर आणि गॅसच्या किमतींचं नियमन करणाऱ्या संस्थेचा प्रस्ताव मान्य केल्यास पाकिस्तानात एका झटक्यात पेट्रोल (Petrol) आणि डिझेलच्या (Diesel) किमती दुप्पट होण्याची शक्यता आहे.
Vasant More: पुण्यातील राज ठाकरेंच्या कार्यक्रमाला जाणार की नाही, वसंत मोरे यांनी स्पष्टच सांगितलं
पाकिस्तानात सध्या पेट्रोल आणि डिझेलचे दर काय?
पाकिस्तानातील ओजीआरएने शनिवारपासून पेट्रोल आणि डिझेलच्या किमती वाढवण्याची शिफारस केली आहे. ओजीआरएच्या प्रस्तावानुसार पेट्रोलचे दर ८३.५ रुपयांनी वाढवण्याची शिफारस करण्यात आलीय. तर, दुसरीकडे डिझेलच्या किमतीत ११९ रुपयांची वाढ प्रस्तवित आहे. सध्या पाकिस्तानात एक एप्रिलपासून पेट्रोल १४९.८६ रुपयांना एक लीटर विकलं जात आहे. तर, दुसरीकडे डिझेलचा एका लीटरचा दर १४४.१५ रुपये आहे. ओजीआरएची शिफारस मान्य झाल्यास पेट्रोल २०० तर डिझेल २५० रुपयांच्या पुढं जाण्याची शक्यता आहे.

पाकिस्तानात सध्या शाहबाज शरीफ यांच्या नेतृत्त्वातील सरकार सत्तेत आहे इमरान खान यांच्या सरकारच्या काळात अर्थव्यवस्थेची स्थिती ढासळल्याचा आरोप त्यांनी केला होता. आता सरकार बदलल्यानंतर शाहबाज शरीफ यांच्या काळात पाकिस्तानच्या जनतेला महागाईपासून दिलासा मिळण्याची शक्यता कमी असल्याची चिन्ह आहेत. ओजीआरएचा प्रस्ताव पेट्रोलियम विभागाला कळवण्यात आला आहे. शाहबाज शरीफ आणि अर्थमंत्रालय विचार करुन यासंदर्भातील निर्णय घेणार असल्याची माहिती आहे.
‘… म्हणून महाराष्ट्र आणि बंगालमध्ये छापेमारी’; शरद पवार यांचा केंद्र सरकारवर गंभीर आरोप
ओजीआरएच्या प्रस्तावानुसार जीएसटी ७० टक्के करण्याचा आणि ३० रुपये अधिभार लावण्याचा निर्णय होऊ शकतो सध्या पाकिस्तानात पेट्रोल आणि डिझेलच्या दरावर १७ टक्के जीएसटी आणि ३० रुपये अधिभार लावण्यात आलेला आहे. सध्या लाईट डिझेल ७७.३१ रुपयांना तर केरोसीन ३६.५ रुपयांना विकलं जात आहे.
ओजीआरएकडून दोन प्रकारच्या शिफारसी
ऑईल अँड गॅस रेग्युलटोरी अथॉरिटीकडून दोन प्रकारच्या शिफारशी करण्यात येतात. पहिल्या पद्धतीत ग्राहकांवर बोजा टाकण्यात येतो. तर, दुसऱ्या पद्धतीत ग्राहकांवर काही प्रमाणात दरवाढीचा बोजा टाकला जातो. दुसऱ्या पद्धतीचा विचार केल्यास ओजीआरएकडून पेट्रोलच्या किमतीत २१ तर डिझेलच्या किमतीत ५१ रुपयांची वाढ करण्याचा प्रस्ताव देण्यात आला आहे.

LEAVE A REPLY

Please enter your comment!
Please enter your name here