Sanjay Raut | संजय राऊत यांनी राज ठाकरे यांना महाराष्ट्राचा ओवेसी म्हणून हिणवले होते. त्यामुळे आता मनसेचे कार्यकर्ते आक्रमक झाले आहेत. शिवसेना आणि मनसेमध्ये पोस्टरवॉर सुरु आहे.
हायलाइट्स:
- तुम्ही ओवेसी कोणाला बोलता,संजय राऊत तुमचा कर्कश भोंगा बंद करा
- मनसे स्टाईल तुमचा भोंगा आम्ही बंद करू
तुम्ही ओवेसी कोणाला बोलता,संजय राऊत तुमचा कर्कश भोंगा बंद करा. याचा त्रास तर संपूर्ण महाराष्ट्राला होतोय, नाही तर मनसे स्टाईल तुमचा भोंगा आम्ही बंद करू, असा मजकूर या बॅनरवर लिहण्यात आला आहे. त्यामुळे शिवसैनिक या टीकेला कशाप्रकारे प्रत्युत्तर देतात, ते पाहावे लागेल.
‘राज ठाकरे हे मराठी ओवेसी, फक्त हे हिंदूंना भडकवतात’, राष्ट्रवादीचा हल्लाबोलगेल्या काही दिवसांपासून शिवसेना आणि मनसेत पोस्टरवॉर सुरु आहे. मनसेच्या कार्यकर्त्यांनी शिवसेना भवनासमोर हनुमान चालिसा पठण केल्यानंतर या वादाला सुरुवात झाली होती. यानंतर शिवसैनिकांनी शिवसेना भवनाबाहेर एक फलक लावला होता. काल आज उद्या, अशा मथळ्याखाली लावण्यात आलेल्या या फलकावर राज ठाकरे यांचा मुस्लीम वेषातील फोटो, त्याच्यापुढे हनुमान चालिसा, असे लिहण्यात आले होते. त्यानंतर आता उद्या राज ठाकरे यूटर्न मारून कोणती नवी भूमिका घेणार, असा खोचक प्रश्न या बॅनरच्या माध्यमातून उपस्थित करण्यात आला होता.
काल आज उद्या! तीच भाषा, तोच पॅटर्न; शिवसेनेच्या बॅनरला मनसेचं चोख प्रत्युत्तरमनसैनिकांनी शुक्रवारी शिवसेना भवनासमोर नवा बॅनर झळकावत याला प्रत्युत्तर दिले होते. या माध्यमातून मनसेने सेनेला त्यांच्याच भाषेत प्रत्युत्तर दिले होते. काल आज उद्या’ या मथळ्याखाली तयार करण्यात आलेल्या या फलकावर एका बाजूला उद्धव ठाकरे यांचा बाळासाहेब ठाकरे यांच्यासोबतचा फोटो आहे. त्याच्यापुढे सोनिया गांधी आणि शरद पवार यांच्यासोबतचा फोटो आहे. तर उद्या या रकान्याखाली असलेला भाग मोकळा सोडण्यात आला होता. त्यामुळे आगामी काळात शिवसेना आणि मनसे यांच्यातील संघर्ष आणखी तीव्र होण्याची शक्यता आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : mns put banners outside samana office agaisnt shivsena leader sanjay raut
Marathi News from Maharashtra Times, TIL Network
Marathi News from Maharashtra Times, TIL Network
