बंडू येवले | लोणावळा :

कोंबड्यांची वाहतूक करणाऱ्या एका टेम्पोची ट्रकला मागून जोरात धडक बसल्याने भीषण अपघात झाला आहे. मुंबई-पुणे एक्स्प्रेस वेवर मळवली जवळील देवले गावच्या हद्दीत झालेल्या या अपघातात एक जण ठार झाला असून दोघे गंभीर जखमी झाले आहेत. (Mumbai Pune Express Highway Accident)

मिळालेल्या माहितीनुसार, कोंबड्यांची वाहतूक करणारा एक महेंद्रा पिकअप टेम्पो पुण्याहून मुंबईच्या दिशेने निघाला होता. मात्र देवले गावाच्या परिसरात चालकाचे गाडीवरील नियंत्रण सुटल्याने टेम्पो पुढे जात असलेल्या एका ट्रकवर भरधाव वेगात धडकला. या धडकेत टेम्पोच्या पुढच्या भागाचा चुराडा झाल्याने या अपघात एकाचा जागीच मृत्यू झाला असून, दोघेजण गंभीर जखमी झाले आहेत.

झेंडा काढण्याच्या कारणावरून अचलपूरमध्ये दोन गटात राडा, जमावबंदी लागू

या अपघातात अनेक कोंबड्यांचा मृत्यू देखील झाला आहे. हा अपघात आज सकाळी ६ वाजताच्या सुमारास झाला असून जखमींवर सोमाटणे येथील एका खासगी रुग्णालयात उपचार सुरू आहे.

दरम्यान, मुंबई-पुणे एक्स्प्रेस वेवर अपघाताच्या घटना वारंवार घडत असतात. यातील बहुतांश अपघात सुसाट वेगामुळे घडत असल्याचं समोर आलं आहे. त्यामुळे असे अपघात टाळण्यासाठी वाहनचालकांनी वेगमर्यादेचं पालन करण्याची गरज पुन्हा एकदा अधोरेखित झाली आहे.

LEAVE A REPLY

Please enter your comment!
Please enter your name here