धुळे : दिल्ली येथून धुळे मार्गे मुंबईकडे अवैधपणे होणारी गुटख्याची तस्करी स्थानिक गुन्हे शाखेच्या पथकाने सापळा रचून तब्बल ४ कंटेनर मधून १ कोटी ३० लाखांचा गुटखा पोलिसांनी ताब्यात घेतला आहे.

स्थानिक गुन्हे शाखेची मोठी कारवाई…
परिसरात ४ कंटेनर भरून गुटख्याची तस्करी केली जात असल्याची माहिती स्थानिक गुन्हे शाखेला मिळाली यानंतर स्थानिक गुन्हे शाखेचे पोलीस निरीक्षक यांनी लागलीच आपल्या पथकाला घटनास्थळी रवाना करून चारही कंटेनर ताब्यात घेतली. यावेळी कंटेनर चालकाने उडवा-उडवी चे उत्तर दिल्यानंतर पोलिसांचा संशय अधिक बळावला त्यानंतर कंटेनरची तपासणी केली असता त्यामध्ये गुटखा असल्याचे निदर्शनास आले.

पाच जणांना घेतलं ताब्यात…
याप्रकरणी धुळे स्थानिक गुन्हे शाखेने पाच जणांना ताब्यात घेतले असून त्यांची कसून चौकशी केली जात आहे. यावेळेस प्राथमिक चौकशी मध्ये हा गुटखा मुंबई येथे विक्री करण्यासाठी घेऊन जात असल्याची माहिती समोर येत आहे. मात्र, इतक्या मोठ्या प्रमाणात गुटका तस्कर करण्यामागे कोण आहे याचा देखील शोध आता पोलीस घेत आहे.

LEAVE A REPLY

Please enter your comment!
Please enter your name here