काबुल हादरलं, माध्यमिक शाळेमध्ये तीन बॉम्बस्फोट, २० विद्यार्थ्यांचा मृत्यूहिना रब्बानी खार यांनी पाकिस्तानच्या सर्वात तरुण परराष्ट्र मंत्री म्हणून काम केलं आहे. फेब्रुवारी २०११ ते मार्च २०१३ मध्ये परराष्ट्र मंत्री म्हणून काम केलं आहे. हिना यांनी पहिल्यांदा मंत्रिपद भूषवलं तेव्हा त्या ३३ वर्षाच्या होत्या. हिना यांच्या अनुभवाचा फायदा घेण्यासाठी त्यांना नव्या सरकारमध्ये परराष्ट्र राज्यमंत्रीपद देण्यात आलं आहे. हिना रब्बानी खान २०११ मध्ये भारत दौऱ्यावर आले होते, त्यावेळी त्यांची खूप चर्चा झाली होती.
भारत आणि पाकिस्तान यांच्यातील चर्चेदरम्यान हिना रब्बानी खार भारतात आल्या होत्या त्यावेळी त्यांची खूप चर्चा झाली होती. भारत पाकिस्तान यांच्यातील चर्चेपेक्षा जास्त चर्चा हिना खार यांच्याबद्दल झाली होती. हिना खार यांनी सोबत आणलेली बिरकीन हँडबॅग सात लाख रुपये किमतीची होती.
बेनझीर भुट्टो यांचे पुत्र बिलावल भुट्टो आणि हिना रब्बानी यांच्यात प्रेमप्रकरण असल्याच्या चर्चा सुरु होत्या.बांग्लादेशच्या ब्लिट्ज या समुहानं पश्चिमेकडील गुप्तचर यंत्रणेच्या कथित अहवालाचा आधार घेत बिलावल भुट्टो हिना रब्बानी खार यांच्याशी लग्न करण्यासाठी अडून बसल्याचं म्हटलं होतं. त्यावेळी बिलावल यांच्याशी लग्न करण्यासाठी हिना खार अब्जाधीश असलेले पती फिरोज गुलजार यांना घटस्फोट देण्यास तयार होती.
पाकिस्तानच्या नव्या पंतप्रधानांच्या जोडीला आता ३४ मंत्र्यांचं मंत्रिमंडळ असेल. शाहबाज शरीफ यांच्या मंत्रिमंडळात ३१ जणांना फेडरल तर ३ जणांना राज्यमंत्री म्हणून शपथ देण्यात आली. शाहबाज शरीफ यांच्या पीएमएल-एन या पक्षाच्या १४ जणांना मंत्रिपद मिळालं. तर, पीपीपीच्या ९ जणांना मंत्री करण्यात आलं. दुसरीकडे जेयूआयच्या ४, एमक्यूएम २ आणि बाप आणि जम्हूर वतन पार्टीला १ मंत्रिपद देण्यात आलं आहे.
