Nawab Malik family | नवाब मलिक कुर्ला येथील गोवावाला कंपाऊंडच्या जागेच्या व्यवहारामुळे गोत्यात आले आहेत. गेल्या दोन महिन्यांपासून ते तुरुंगात आहेत. जामीन मिळवण्यासाठी त्यांच्याकडून सर्वतोपरी प्रयत्न सुरु आहेत.
हायलाइट्स:
- नवाब मलिक यांनी सॉलिडस कंपनीच्या माध्यमातून आर्थिक गैरव्यवहार केल्याचा आरोप
- या कंपनीत नवाब मलिक यांची पत्नी आणि मुलांची मोठी भागीदारी आहे
Nawab Malik : नवाब मलिक आणखी अडचणीत; कुटुंबीयांच्या संपत्तीची होणार चौकशी, ईडीने मागितली माहितीसूत्रांच्या माहितीनुसार, ‘ईडी’ने आर्थिक गैरव्यवहार प्रकरणातच चौकशीसाठी नवाब मलिक यांची पत्नी मेहजबीन मलिक, त्यांची दोन मुले आमिर मलिक आणि फराज मलिक यांना समन्स पाठवले होते. नवाब मलिक यांनी सॉलिडस कंपनीच्या माध्यमातून आर्थिक गैरव्यवहार केल्याचा आरोप आहे. या कंपनीत नवाब मलिक यांची पत्नी आणि मुलांची मोठी भागीदारी आहे. त्यामुळेच ईडीला या सगळ्यांची चौकशी करायची असल्याचे सांगितले जाते. फराज मलिक यांना तर आतापर्यंत ईडीने पाच समन्स पाठवली आहेत. १५ एप्रिलला मलिक कुटुंबीयांना शेवटचे समन्स धाडण्यात आले होते. मात्र, यापैकी एका समन्सलाही मलिक कुटुंबीयांकडून कोणताही प्रतिसाद देण्यात आलेला नाही. त्यामुळे आता ईडी मलिक कुटुंबीयांवर कारवाईचा बडगा उगारणार का, हे पाहावे लागेल. याबाबत मलिक कुटुंबीयांकडूनही कोणतेही भाष्य करण्यात आलेले नाही
नवाब मलिक यांची उस्मानाबादेतील 148 एकर जमीन जप्त
ईडीने २३ फेब्रुवारी रोजी नवाब मलिक यांना चौकशीसाठी ताब्यात घेतले होते. त्यानंतर ईडीने त्यांना अटक केली होती. सुरुवातीच्या काळात ईडीच्या कोठडीत नवाब मलिक यांची चौकशी करण्यात आली. त्यानंतर मलिक यांना न्यायालयीन कोठडीत ठेवण्यात आले आहे. परंतु, नवाब मलिक यांनी ईडीने केलेली अटक बेकायदेशीर असल्याचे सांगत जामिनासाठी सर्वोच्च न्यायालयात धाव घेतली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : nawab malik family not entertaining ed summons action may taken against faraz malik mehjabin malik
Marathi News from Maharashtra Times, TIL Network
Marathi News from Maharashtra Times, TIL Network
