नवी दिल्ली : पंतप्रधान नरेंद्र मोदी (Narendra Modi) यांनी नागरी सेवा दिवसानिमित्त (Civil Services Day) आयोजित कार्यक्रमाला संबोधित केलं. नागरी सेवा दिवसानिमित्त सर्वांना शुभेच्छा देतो, आजच्या कार्यक्रमात ज्यांना पुरस्कार मिळाले आहेत त्यांचं, त्यांच्या राज्यांचं अभिनंदन करतो, असं नरेंद्र मोदी म्हणाले. आपल्या देशात शेकडो कायदे होते जे नागरिकांसाठी ओझं बनले होते. पंतप्रधान बनल्यानंतर पहिल्या ५ वर्षात मी १५०० कायदे रद्द केले असं मोदींनी म्हटलं. भारतीय लोकशाही संदर्भात देखील मोदींनी महत्त्वाचं विधान केलं आहे.

आपण एका लोकशाही राज्यव्यवस्थेत आहोत. आपण आपल्यासमोर तीन उद्दिष्ठ ठेवली पाहिजेत. पहिलं उद्दिष्ठ देशातील सामान्य माणसाच्या जीवनात बदल आणि बदलाची जाणीव त्यांना जाणीव होणं हे आहे, असं मोदी म्हणाले. दुसरं उद्दिष्ठ म्हणजे आपण भारतात जे काही करु ते जागतिक संदर्भात करायला पाहिजे. ही काळाची गरज असल्याचं मोदी म्हणाले. तिसरं म्हणजे व्यवस्थेत आपण कुठेही असो, ज्या व्यवस्थेतून आलो आहोत. त्यामध्ये आपल्या देशाची एकता आणि अखंडता राखण्याची जबाबदारी असल्याचं मोदी म्हणाले. देशातील सामान्य माणासाचं स्वप्न संकल्पात बदलण्यासाठी व्यवस्थेनं प्रयत्न करण्याची गरज आहे.
Coronavirus In India: देशात करोनाची चौथी लाट येणार का?; तीन महिन्यांत ‘असं’ प्रथमच घडलं!
आपण मागील शतकाचा विचार आणि नियमांच्या आधारे आगामी शतकातील आपल्या देशाच्या मजबुतीचा विचार करु शकत नाही. आपल्या व्यवस्थेत, नियमांमध्ये आणि पंरपरांमध्ये बदल करण्यासाठी ३० ते ४० वर्ष लागत होते. मात्र, आजच्या वेगान बदलणाऱ्या जगात आपल्याला प्रत्येक क्षणाचा क्षणाचा विचार केला पाहिजे, असं नरेंद्र मोदी म्हणाले. स्वातंत्र्याचा अमृत महोत्सव साजरा करत आहोत. या ७५ वर्षाच्या कालावधीत सरदार वल्लभभाई पटेल यांनी नागरी सेवा ही आपल्याला दिलेली भेट आहे. नागरी सेवांद्वारे अधिकाऱ्यांनी आपल्या देशाच्या विकासात काही ना काही योगदान दिलं आहे. त्या सर्वाचं स्मरण करणं आपलं काम आहे, असं मोदी म्हणाले.

स्वातंत्र्याची ७५ वर्ष होत आहेत.स्वातंत्र्यांचा अमृत महोत्सव साजरा होत असताना हा कार्यक्रम होत आहे. आपण ज्या जिल्ह्यात काम करत आहात त्या ठिकाणी जिल्ह्याचे प्रमुख म्हणून काम केलेल्या सध्या हयात असलेल्या अधिकाऱ्यांना बोलावायला पाहिजे. आपण अशा प्रकारचा कार्यक्रम आयोजित केला पाहिजे, असं नरेंद्र मोदी म्हणाले. तुमच्या जिल्ह्यात काम केलेल्या अधिकाऱ्यांनी त्याच्या विकासासाठी योगदान दिलेलं आहे. नागरी सेवांच्या माध्यमातून देशाच्या विकासात योगदान देणाऱ्या अधिकाऱ्यांचा आपण सन्मान केला पाहिजे.
Coronavirus Updates: चौथ्या लाटेचे संकेत; दिल्लीत करोनाचे भीतीदायक आकडे, मुंबईतही आज…
स्वातंत्र्याचा अमृत महोत्सव साजरा करत आहोत. आपण आगामी २५ वर्षांच्या विचार केला पाहिजे. भारताच्या स्वातंत्र्याच्या १०० वर्षांच्या काळात आपला जिल्हा कुठं असेल याचा विचार आणि संकल्प आपण करायला हवा, असं नरेंद्र मोदी म्हणाले. भारताचा नागरिक तुमच्याकडे अपेक्षेने पाहतो. आज आपणा सर्वांना सरदार वल्लभभाई पटेल यांनी जो संकल्प दिला आहे तो पूर्ण करण्यासाठी प्रयत्न केले पाहिजेत, असं नरेंद्र मोदींनी म्हटलं.

LEAVE A REPLY

Please enter your comment!
Please enter your name here