मुंबई : गेल्या अनेक दिवसांपासून चर्चेत असलेला बीस्ट हा सिनेमा रिलीज झाल्यानंतर समीक्षक आणि प्रेक्षक दोन्हीकडूनही या सिनेमाला अपेक्षित प्रतिसाद मिळत नाही, हे बॉक्स ऑफिसच्या आकडेवारीवरून दिसत आहे. नायक थलपति विजय याच्या भूमिकेवर चाहत्यांनी पसंती दाखवली असली तरी विजयचे वडील आणि फिल्ममेकर एस. ए. चंद्रशेखर यांना मात्र हा सिनेमा आवडला नसल्याचं म्हटलं आहे. या सिनेमाला अपेक्षित यश न मिळण्यामागे बीस्टच्या कमकुवत स्क्रीनप्लेला त्यांनी दोष दिला आहे. उलट जो काही सिनेमा सध्या चालत आहे त्यामध्ये अॅक्शन सीन, डान्स आणि अभिनेता विजयचे स्टारडम हेच कारणीभूत असल्याचं ते म्हणाले.

बीस्टमध्ये थलपती विजय

एका मुलाखतीच्या निमित्ताने बीस्ट सिनेमाविषयी चंद्रशेखर यांनी ही प्रतिक्रिया दिली आहे. ते असं म्हणाले की, ‘बीस्ट सिनेमा एका रॉ अधिकाऱ्याचं यशस्वी मिशन दाखवणारा आहे. पण सिनेमाच्या स्क्रीनप्लेमध्ये रॉ एजन्सीचं महत्त्व, त्यांच्या कामाची पद्धत, रॉ अधिकाऱ्यांना करावी लागणारी धाडसी तपासणी हे योग्य रित्या मांडलेलं नाही, त्यामुळे हा सिनेमा लोकांना समजण्यासाठी अवघड बनला आहे.’

Lock Upp : सर्वांसमोर कपडे उतरवून किन्नर असल्याचा पुरावा द्यावा लागतो, सायशा शिंदेचं खळबळजनक वक्तव्य

‘ सध्याचे फिल्ममेकर्स हे फक्त आणि फक्त विजयच्या स्टारडमवरच टिकून आहेत. अनेकदा कथा, मांडणी यादृष्टीने सिनेमा चांगला बनवण्यासाठी फिल्ममेकर्स पुढे येतात पण सुपरस्टारला साइन केलं म्हणजे झालं अशी भूमिका चुकीची आहे. सिनेमात सुपरस्टार आहे, गाणी आहेत, डान्स आहे म्हणजे सिनेमा चालत असला तरी सिनेमाचा गाभा पटकथा आहे. याचा विसर सध्याच्या फिल्ममेकर्सना पडला आहे. बीस्ट बनवत असतानाही आंतरराष्ट्रीय दहशतवादासारखा विषय ताकदीने हाताळण्याची गरज होती आणि नेमकं तेच झालेलं नाही. अपुऱ्या माहितीवर रॉ एजन्सीसारखा विषय मांडल्याने या सिनेमाला यश मिळालं नाही,’ असंही चंद्रशेखर यांनी सांगितलं.

विजय आणि एस.ए.चंद्रशेखर

दरम्यान १३ एप्रिलला प्रदर्शित झालेल्या बीस्ट या सिनेमात थलपति विजय हा रॉ अधिकाऱ्याच्या दमदार भूमिकेत आहे. तामिळ सिनेमातील एक हुकमी एक्का अशी विजयची ओळख आहे. त्यामुळे त्याच्या बीस्ट या सिनेमाची चर्चा गेल्या काही दिवसांपासून सुरू होती. सिनेमाने पहिल्या आठवड्यात २०० कोटींची कमाई केली आहे. पण यापेक्षा जास्त कमाई हा सिनेमा करू शकला असता, असं विजयचे वडील चंद्रशेखर यांचं म्हणणं आहे. बीस्ट हा सिनेमा हिंदीमध्ये रॉ या नावाने रिलीज होणार आहे.

Video :पुन्हा एकदा तोंड लपवून आला Raj Kundra,त्याचा अवतार पाहून युझर्स म्हणाले, ‘आज हा जादू झाला!’

LEAVE A REPLY

Please enter your comment!
Please enter your name here