Anand Dighe Movie | आनंद दिघे या लोकनेत्याचा जीवनप्रवास सिनेमाच्या रुपानं लवकरच प्रेक्षकांच्या भेटीस येत आहे. ‘धर्मवीर मुक्काम पोस्ट ठाणे’ या सिनेमाची घोषणा झाल्यापासूनच यात आनंद दिघे यांची भूमिका कोण साकारणार याबद्दल प्रेक्षकांच्या मनात कमालीची उत्सुकता होती.
हायलाइट्स:
- एकनाथ शिंदे हे आनंद दिघे यांच्या लूकमधील प्रसाद ओकला पाहून अगदी भारावून गेले.
- गाण्याचे लाँचिंग झाल्यानंतर स्टेजवर फोटोसेशन सुरु होते
याच गोष्टीचे प्रत्यंतर शुक्रवारी मुंबईत आले. ‘धर्मवीर मुक्काम पोस्ट ठाणे’ या चित्रपटातील गाण्याचा लाँचिंग सोहळा काल पार पडला. या कार्यक्रमाला चित्रपटातील कलाकार आणि शिवसेनेचे ज्येष्ठ नेते एकनाथ शिंदे (Eknath Shinde) हे उपस्थित होते. त्यावेळी एकनाथ शिंदे हे आनंद दिघे यांच्या लूकमधील प्रसाद ओकला पाहून अगदी भारावून गेले. गाण्याचे लाँचिंग झाल्यानंतर स्टेजवर फोटोसेशन सुरु होते. सुरुवातीला एकनाथ शिंदे आणि प्रसाद ओक यांनी एकमेकांसोबत फोटो काढले. मात्र, त्यानंतर एकनाथ शिंदे यांना आनंद दिघे यांच्या रुपातील प्रसाद ओकला पाहून राहवलेच नाही आणि ते व्यासपीठावर सर्वांदेखत प्रसाद ओकच्या पाया पडले. हा प्रसंग सर्वांनाचा भावूक करून गेला.
Teaser- आला रे आला ठाण्याचा वाघ आला! आनंद दिघेंची भूमिका साकारणाऱ्या अभिनेत्याला ओळखलं का?आनंद दिघे आणि एकनाथ शिंदे यांच्यात अत्यंत खास नाते होते. आनंद दिघे यांच्यात मार्गदर्शनाखाली एकनाथ शिंदे यांनी राजकारणाचे धडे गिरवले. १९९७साली आनंद दिघे यांनी त्यांना महानगरपालिकेच्या निवडणुकीचे तिकीट दिले आणि ते निवडूनही आले. त्यानंतर दिघे यांनी शिंदेंना ठाणे महापालिकेचे सभागृह नेतेपदही दिले. एकनाथ शिंदे यांची राजकीय कारकीर्द घडवण्यात आनंद दिघे यांचा खूप मोठा वाटा होता.
आनंद दिघे, असा लोकनेता ज्यांच्या मृत्यूनंतर शिवसैनिकांनी रुग्णालयच पेटवून दिलं
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : shivsena leader eknath shinde touches feet of actor prasad oak during anand dighe movie dharmaveer mukkam post thane song launching event
Marathi News from Maharashtra Times, TIL Network
Marathi News from Maharashtra Times, TIL Network
