मुंबई : अभिनेत्री मलायका अरोरा हिच्या गाडीला काही दिवसांपूर्वी खोपोली इथं अपघात झाला होता. या अपघातामध्ये मलायकाच्या डोक्याला दुखापत झाली होती. या जखमेमुळे खूप रक्त गेलं. अपघातानंतर मलायकाला तातडीनं रुग्णालयात दाखल करण्यात येऊन तिच्यावर उपचार करण्यात आले होते. रुग्णालयातून घरी सोडल्यानंतर मलायकाला तिच्या गाडीपर्यंत व्हिलचेअरवरूनच नेण्यात आलं होतं. तसे फोटोही सोशल मीडियावर व्हायरल झाले होते.

घरी आल्यानंतर काही दिवस मलायकानं संपूर्णपणे विश्रांती घेतली. त्यानंतर ती आता पुन्हा कामावर परतली आहे. अलिकडेच मलायकानं एका मुलाखतीमध्ये तिच्या अपघाताबद्दल सविस्तर माहिती दिली. अपघातामुळे तिला शारीरिक आणि मानसिक धक्का बसला आहे. या धक्क्यातून ती अजूनही सावरलेली नाही. हळूहळू ती या धक्क्यातून बाहेर पडत आहे.

Beast सिनेमा आपटला, सुपरस्टार विजयचे वडील दिग्दर्शकावर भडकले

मलायका अरोरा

काय म्हणाली मलायका?

मलायका अरोरा हिच्या गाडीचा दोन एप्रिल रोजी खोपोलीजवळ अपघात झाला. मलायका कार्यक्रम आटोपून परत येत असताना रस्त्यात तीन गाड्यांचा जोरदार अपघात झाला. या अपघातामध्ये मलायका जखमी झाली. त्यानंतर तिला रुग्णालयात दाखल करण्यात आलं. तिच्यावर एक दिवस उपचार केल्यानंतर दुसऱ्या दिवशी घरी सोडण्यात आलं. मलायकानं दिलेल्या मुलाखतीमध्ये तिनं सांगितलं की, माझ्या आयुष्यातील तो सर्वात भयानक दिवस होता. हा दिवस मी कधीही विसरू शकत नाही. अपघातामुळे मला शारीरिक आणि मानसिक धक्का बसला आहे. त्या धक्क्यातून हळूहळू मी बाहेर येत आहे. आपण सिनेमामध्ये अपघात बघतो, अपघात झाल्यानंतर येणारं रक्त दाखवलं जातं. हे सगळं प्रत्यक्षात माझ्याबरोबर घडत होतं. मी हे काहीच विसरू शकलेली नाही.’

मलायका अरोरा

PHOTOS: सुरू झाली होती प्रियांका आणि निकची लव्हस्टोरी

मलायका अरोरानं मुलाखतीमध्ये सांगितलं की, ‘मला बराच वेळ हेच कळत नव्हतं की मी जिवंत आहे की नाही. इतका मोठा शॉक मला बसला होता. अपघातानंतर माझं डोकं प्रचंड ठणकत होतं. मला फक्त इतकंच जाणून घ्यायचं होतं की मी जिवंत आहे. माझ्या डोक्याला मार बसल्यानं त्यातून रक्त वहात होतं. ते मला दिसलं. मला नेमकं कळलंच नाही की मला काय होतं आहे. एक मोठ्ठा आवाज आला. जोरदार धक्का बसला आणि सर्व काही अस्पष्ट दिसू लागलं.रुग्णालयात गेल्यानंतर मला शुद्ध आली.’


गेल्याच आठवड्यामध्ये मलायकानं कामाला पुन्हा सुरुवात केली आहे. डॉक्टरांच्या सल्ल्यानुसार दोन आठवडे विश्रांती घेतल्यानंतर तिनं आता काम सुरू केलं आहे. चित्रीकरणाच्या पहिल्या दिवसाबद्दल तिनं सांगितलं की, ‘ अपघातानंतर चित्रीकरणासाठी गेले. चित्रीकरण करत असताना मला थोडा थकवा आला होता. मला फ्रेश असं वाटत नव्हतं.’ दरम्यान, आलिया आणि रणबीरच्या लग्नाच्या रिसेप्शनला अर्जुन कपूरबरोबर ती गेली होती.

LEAVE A REPLY

Please enter your comment!
Please enter your name here