Navneet Rana | नवनीत राणा उद्या सगळ्यांना चकवा देत मातोश्रीपर्यंत पोहोचल्या तरी मुंबईत हायव्होल्टेज ड्रामा पाहायला मिळू शकतो. ही शक्यता लक्षात घेऊन मुंबई पोलिसांनी मातोश्रीबाहेरील बंदोबस्त वाढवला आहे.
हायलाइट्स:
- सध्या शिवसैनिकांनी नंदगिरी गेस्टहाऊसला घेराव घातला आहे
- शिवसैनिकांकडून नवनीत राणा आणि रवी राणा यांच्याविरुद्ध जोरदार घोषणाबाजी
Navneet Rana vs Shivsena: मातोश्रीबाहेर शिवसैनिकांचा पहारा, नवनीत राणा-रवी राणा विमानाने मुंबईत दाखलसध्या शिवसैनिकांनी नंदगिरी गेस्टहाऊसला घेराव घातला आहे. याठिकाणी शिवसैनिकांकडून नवनीत राणा आणि रवी राणा यांच्याविरुद्ध जोरदार घोषणाबाजी केली जात आहे. राणा दाम्पत्य गेस्ट हाऊसमध्ये दाखल झाले आहे किंवा नाही, याबाबत अद्यापपर्यंत कोणतीही ठोस माहिती मिळालेली नाही. मात्र, याठिकाणी ठिय्या मांडून बसलेल्या शिवसैनिकांनी आक्रमक पवित्रा घेतला आहे. त्यामुळे राणा दाम्पत्य या गेस्ट हाऊसमध्ये दाखल झाले तरी उद्या येथून ते मातोश्रीच्या दिशेने बाहेर कसे पडणार, हा प्रश्नच आहे.
हिंमत असेल तर येऊनच दाखवा, शिवसेनेचं नवनीत राणांना आव्हान; मातोश्रीबाहेरील सुरक्षेत वाढतर दुसरीकडे राणा दाम्पत्य गनिमी काव्याचा वापर करून ऐनवेळी मातोश्रीवर येऊ शकतात, ही शक्यता लक्षात घेऊन शिवसैनिक सावध झाले आहेत. सकाळी दहा वाजल्यापासूनच मातोश्री परिसरात शिवसैनिकांची गर्दी जमायला सुरुवात झाली आहे. त्यामुळे राणा दाम्पत्य याठिकाणी आले तरी त्यांना मातोश्रीपर्यंत पोहोचणे शक्य होणार नाही, हा शिवसैनिकांचा प्रयत्न असेल. याशिवाय, राणा दाम्पत्याच्या खार येथील निवासस्थाबाहेरही शिवसैनिकांकडून घोषणाबाजी केली जात आहे. या सगळ्यामुळे मुंबईतील राजकीय वातावरण प्रचंड तापले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : navneet rana in mumbai to recite hanuman chalisa at matoshree shivsena workers get aggresive
Marathi News from Maharashtra Times, TIL Network
Marathi News from Maharashtra Times, TIL Network
