मुंबई : बॉलिवूडमध्ये ज्या लग्नाची चर्चा केल्या पाच वर्षापासून सुरू होती त्या रणबीर कपूर आणि आलिया भट्ट यांचं लग्न होऊन आठवडा झाला. दोघांनीही कामाला सुरूवात केली तरी त्यांचे चाहते अजूनही त्यांच्या लग्नाचे फोटो पाहण्यातच रमले आहेत. आलिया आणि रणबीर हनिमूनला कुठे जाणार, कधी जाणार या चर्चेला उधाण आलं असतानाच, आता नववधू आलियाने रणबीर कपूरसोबत हनिमूनला जाण्याचा प्लॅन कॅन्सल केला आणि रणवीर सिंगसोबत प्रेमकहानी सुरू केली आहे. रणवीर सिंगसोबतचे फोटो व्हायरल झाल्यानेच हे सत्य उजेडात आलं आहे. पण या फोटोमागचं खरं कारण समोर येताच चाहत्यांनीही आलियाला शुभेच्छा दिल्या आहेत.

रणवीर सिंग आलिया भट्ट

करण जोहर दिग्दर्शित रॉकी और रानी की प्रेमकहानी या सिनेमात आलिया भट्ट आणि रणवीर सिंग ही जोडी पहायला मिळणार आहे. यापूर्वी गली बॉय या सिनेमात आलिया आणि रणवीर यांची केमिस्ट्री प्रेक्षकांना भलतीच आवडली. आता लग्नानंतर आठवडाभरातच आलिया रणबीरला वेळ देण्याऐवजी रॉकी और रानी की प्रेमकहानीच्या शूटिंग सेटवर पोहोचली आहे. या सिनेमाचं शूटिंग् सध्या दिल्लीमध्ये सुरू आहे. अभिनेत्री चुरनी गांगुलीने हे फोटो शेअर केले आहेत. फोटोमध्ये तिने असं म्हटलं आहे की, ज्येष्ठ अभिनेते धर्मेंद्र, शबाना आझमी आणि जया बच्चन यांच्यासोबत स्क्रीन शेअर करण्याचं भाग्य मिळालं आहे. तर आलिया आणि रणबीर यांची केमिस्ट्री हा या सिनेमाचा यूएसपी आहे.

‘रक्त बघून घाबरून गेले होते, जिवंत आहे की नाही कळत नव्हतं’

रणवीर सिंग आलिया कलाकारांबरोबर

गली बॉयच्या सुपरहिट सिनेमानंतर आलिया आणि रणवीर सिंग हे रॉकी और रानी की प्रेमकहानी या सिनेमाबरोबरच अजून एका सिनेमात एकत्र दिसणार आहेत. संजय लीला भन्साळी यांच्या बैजू बावरा या सिनेमातही ही जोडी झळकणार आहे. खरं तर बैजू बावरा या सिनेमात दीपिका पादुकोणचं नाव होतं. पण तिला डच्चू देत आलियाची वर्णी लागली आहे. या सिनेमाचं शूटिंग येत्या ऑक्टोबरमध्ये सुरू होणार आहे. त्यामुळे रॉकी और रानी की प्रेमकहानी या सिनेमाचं शूटिंग आलिया आणि रणवीरला ऑक्टोबरपर्यंत पूर्ण करावं लागणार आहे. पुढच्या वर्षी फेब्रुवारीमध्ये हा सिनेमा प्रदर्शित होणार आहे.

रणवीर आलिया

तर इकडे जस्ट मॅरिड रणबीर कपूरही अॅनिमल या सिनेमाच्या शूटिंगमध्ये व्यस्त राहणार आहे. आलिया आणि रणबीर कपूर यांनी त्यांचा हनिमूनला जाण्याचा प्लॅन याच सिनेमांच्या शूटिंगमुळे रद्द झाला. आता आलिया आणि रणबीर यांना हनिमूला जाण्यासाठी पुढच्या वर्षीचीच वाट पहावी लागणार आहे.

Athiya Shetty आणि KL Rahul नं घेतला लिव-इनमध्ये राहण्याचा निर्णय!

रणवीर करण आलिया

नुकतंच लग्न झालेल्या आलियाचा नवरा रणबीर आणि लग्नानंतर ज्या नायकासोबत आलिया ऑनस्क्रीन रोमान्स करणार आहे तो रणवीर सिंग यांच्यात एक समान धागा आहे. रणवीरची पत्नी दीपिका पादुकोण आणि आलियाचा नवरा रणबीर कपूर हे दोघं काही वर्षापूर्वी रिलेशनशिपमध्ये होते. त्यांच्या ब्रेकअपनंतरच दीपिकाच्या आयुष्यात रणवीर सिंग आला आणि त्यांनी लग्न केलं. त्यामुळेही रणवीर आणि आलिया यांच्या प्रेमकहानीच्या फोटोंकडे नजरा वळल्या आहेत.

ऑफस्क्रिन आयुष्य आणि ऑनस्क्रीन काम या दोन वेगळ्या गोष्टी आहेत असं म्हणत आलिया आणि रणवीर हे त्यांची पडद्यावरची केमिस्ट्री कमी होणार नाही याची काळजी घेणार आहेत. बॉलिवूडमध्ये ब्रेकअप आणि पॅचअप होतच असतात. त्यामुळे याकडे लक्ष न देता आलिया आणि रणवीर ऑनस्क्रिन प्रेमकहानी फुलवण्यासाठी सज्ज झाले आहेत.

LEAVE A REPLY

Please enter your comment!
Please enter your name here