गुणरत्न सदावर्ते बातम्या: मोठी बातमी! ‘सिल्व्हर ओक’ हल्ला प्रकरणात गुणरत्न सदावर्तेंसह ११५ एसटी कर्मचाऱ्यांना जामीन मंजूर – bail granted to 115 st employees including gunaratna sadavarte in silver oak attack case

मुंबई : सिल्व्हर ओक हिंसक आंदोलन प्रकरणातील आरोपी गुणरत्न सदावर्ते आणि ११५ आंदोलक कर्मचाऱ्यांना अखेर जामीन मिळाला आहे. सदावर्ते यांना ५० हजार रुपये रोख हमी आणि तितक्याच रकमेचा हमीदार तर सर्व ११५ कर्मचाऱ्यांना प्रत्येकी १० हजार रुपयांच्या वैयक्तिक हमीवर जामीन मंजूर करण्यात आला आहे.

खरंतर, या प्रकरणात सदावर्ते यांच्यासह अनेक कर्मचारीही अडकले होते. कर्मचारी यातून सुटले असले तरी सदावर्ते मात्र कोल्हापुरात चांगलेच अडकले आहेत. तिथे त्यांना पाच दिवसांची पोलीस कोठडी सुनावण्यात आली आहे. एसटी कर्मचाऱ्यांचे नेते झालेले सदावर्ते आता तरी बाहेर येऊ शकतात का? पुढचा मुक्काम कुठे असेल आणि जामीन मिळालेल्या एसटी कर्मचाऱ्यांचं काय होईल? हे पाहणं आता महत्त्वाचं आहे.

‘शिवरायांना बदनाम करण्याच्या कटात राज ठाकरेंचाही सहभाग’
दरम्यान, पवारांच्या घरावर जो मोर्चा काढण्यात आला होता. त्याला जबाबदार म्हणून सदावर्ते असे काही अकडलेत, की त्यांचे बाहेर पडण्याचे मार्ग खडतर होत चालले आहेत. एक झालं की दुसऱ्या गुन्ह्यात ते अडकत चालल्याचं पाहायला मिळतं. सातारा कोर्टाने जामीन दिला, पण त्यानंतर कोल्हापुरात त्यांना नेण्यात आलं. आता कोल्हापुरात जामीन मिळेपर्यंत अकोला पोलीसही ताबा घेण्यासाठी रांगेत आहेत.

अकोल्यात त्यांच्यावर एसटी कर्मचाऱ्यांच्या फसवणुकीचा गुन्हा दाखल करण्यात आला आहे. ज्यात सदावर्तेंचाही सहभाग असल्याचा आरोप होत आहे. तर दुसरीकडे सोलापुरातही सदावर्तेंवर गुन्हा दाखल करण्यात आला. त्यामुळे सदावर्तेंचा पुढील मुक्काम अकोला असेल अशी चर्चा सध्या सुरू आहे.

आम्ही बंटी बबली, मग संजय राऊत कोण? शिवसेनेचा पोपट!, नवनीत राणांचा वार