भारतामधील सर्वाधिक ब्रँड व्हॅल्यू असलेल्यांमध्ये विराट कोहली, रणबीर सिंग यांच्या पाठोपाठ अक्षय कुमारचा नंबर लागतो. सिनेमांशिवाय अक्षय जाहिराती, प्रॉडक्श हाऊस, व्यक्तिगत गुंतवणूक यांतून घसघशीत कमाई करतो. अक्षय रसना, हार्पिक, पॉलिसी बाजार, डॉलर क्लब यांसारख्या मोठ्या कंपन्यांच्या जाहिरातींमध्ये दिसतो. अशा या लोकप्रिय अभिनेत्याची ब्रँड व्हॅल्यू आणि नेटवर्थ जाणून घेऊ या.
हे आहेत केजीएफ चॅप्टर २ चे टॉप १० डायलॉग, ऐकले का?
सिनेमांइतकीच कमाई जाहिरातींमधून
बॉलिवूडमधील सर्वाधिक सिनेमे करणारा कलाकार म्हणून अक्षयचं नाव अग्रक्रमानं घेतलं जातं. अक्षय प्रत्येक जाहिरातीसाठी सहा कोटी रुपये मानधन घेतो. सध्या अक्षयकडे होंडा, रसना, मायक्रोमॅक्स, पॉलिसी बाजार, डॉलर क्लब,रिवाइटल एज, लिवगार्ड, सुथोल, प्रिंस पाइप्स, लोढा ग्रुप्स, लीवर आयुष यांसारख्या असंख्य कंपनींच्या जाहिराती आहेत. या सर्वांची ब्रँड व्हॅल्यू १४ कोटी डॉलर म्हणजे १०६६ कोटी रुपये इतकी आहे.
सर्वाधिक मानधन घेणारा अभिनेता
दरवर्षी अक्षयचे चार ते पाच सिनेमे प्रदर्शित होतात. सर्वाधिक मानधन घेणारा तो अभिनेता आहे. अक्षय प्रत्येक सिनेमासाठी १०० कोटी रुपये घेतो. याशिवाय त्याला तो करत असलेल्या सिनेमाच्या नफ्यामधील काही हिस्सा देखील घेतो.
फिल्म प्रॉडक्शन कंपनी
फिल्म, ब्रँड याशिवाय अक्षय स्वतः देखील सिनेमांची निर्मिती करतो आणि त्यातूनही कमाई करतो. २००८ मध्ये अक्षयनं हरी ओम प्रॉडक्शन हाऊस सुरू केलं आहे. २०१२ मध्ये अक्षयनं ग्राजिंग गोट पिक्चर ही प्रॉडक्शन कंपनी देखील सुरू केली आहे.
अरे हे काय? उर्फी जावेदने बिकनीवर घातली प्लॅस्टिक पॅन्ट
कबड्डी टीमचा मालक
अक्षय कुमार वर्ल्ड कबड्डी लीगमधील खालसा वॉरिअर संघाचा मालक आहे. हा संघ मिस्टर बँकर ऑफ बॉलिवूड सिनेमा या नावानंही ओळखला जातो. इंडस्ट्रीमधील सर्वाधिक कमाई करणारा अभिनेता म्हणून अक्षय ओळखला जातो. अभिनेत्यानं ३०० कोटी रुपयांच्या व्यक्तिगत गुंतवणुकी केल्या आहेत. २०२० मध्ये पंतप्रधान सहाय्यता निधीसाठी त्यानं २५ कोटी रुपयांच्या देणग्या दिल्या आहेत.
अक्षयची संपत्ती आहे २०५० कोटी रुपये!
अक्षयनं आतापर्यंत १०० हून अधिक सिनेमांत काम केलं आहे. अक्षयची एकूण संपत्ती २७२ मीलियन डॉलर म्हणजे २०५० कोटी रुपये इतकी आहे. त्याच्याकडे आलिशान गाड्या देखील आहेत. त्यामध्ये मर्सिडीज बेंज, बेंटले, होंडा सीआरवी, पोर्शे यांचा समावेश आहे.
