Uddhav Thackeray Raj Thackeray Modi | भारतरत्न लता मंगेशकर यांच्या स्मृत्यर्थ जाहीर झालेला पहिला ‘लता दीनानाथ मंगेशकर’ पुरस्कार स्वीकारण्यासाठी पंतप्रधान नरेंद्र मोदी आज, रविवारी मुंबईत येणार आहेत.
हायलाइट्स:
- गेल्या काही दिवसांमध्ये राज ठाकरे यांनी भाजपच्या हिंदुत्वाच्या जवळ जाणारी भूमिका घेतली आहे.
- मशिदींवरील भोंगे काढण्यासाठी ३ मेपर्यंतचा अल्टिमेटम दिल्याने राज्यातील वातावरण तापले आहे
Shivsena vs MNS: शिवसेना ही राष्ट्रवादीची ‘ढ’ टीम; आदित्य ठाकरेंवर मनसेचा पलटवारगेल्या काही दिवसांमध्ये राज ठाकरे यांनी भाजपच्या हिंदुत्वाच्या जवळ जाणारी भूमिका घेतली आहे. त्यांनी मशिदींवरील भोंगे काढण्यासाठी ३ मेपर्यंतचा अल्टिमेटम दिल्याने राज्यातील वातावरण तापले आहे. तर कालच भाजपशी जवळीक असणाऱ्या राणा दाम्पत्याने मातोश्रीवर जाऊन हनुमान चालिसा पठण करण्याचा प्रयत्न केला होता. यावरून मुंबईत काल जोरदार राडा पाहायला मिळाला होता. या सगळ्या घडामोडींच्या पार्श्वभूमीवर पंतप्रधान मोदी, उद्धव ठाकरे आणि राज ठाकरे एकाच व्यासपीठावर येणार असल्याने या कार्यक्रमात काय घडणार, याची उत्सुकता सर्वांना लागली आहे. या सोहळ्यास महाराष्ट्राचे राज्यपाल भगतसिंह कोश्यारी, संपूर्ण मंगेशकर कुटुंब उपस्थित असतील.
Aaditya Thackeray: आदित्य ठाकरेंनी मनसेला पुन्हा डिवचलं; भोंग्यांच्या भूमिकेवरुन खोचक टोलामास्टर दीनानाथ स्मृती प्रतिष्ठान, मंगेशकर कुटुंबीय, हृदयेश आर्ट्सच्या वतीने मास्टर दीनानाथ मंगेशकर यांचा ८०वा स्मृती सोहळा आयोजित केला आहे. त्यात, पहिल्या लता दीनानाथ मंगेशकर पुरस्कारासह संगीत, नाटक, कला आदी क्षेत्रातील पुरस्कारही प्रदान केले जाणार आहे. संगीत क्षेत्रासाठीतील मास्टर दीनानाथ मंगेशकर पुरस्कार गायक राहुल देशपांडे यांना, चित्रपट सेवेसाठीचा मास्टर दीनानाथ विशेष पुरस्कार आशा पारेख आणि जॅकी श्रॉफ यांना, मास्टर दीनानाथ आनंदमयी हा समाजसेवेसाठीचा पुरस्कार मुंबईचे डबेवाले (नूतन मुंबई टिफिन बॉक्स सप्लायर्स चॅरिटी ट्रस्ट) आणि सर्वोत्कृष्ट नाटकासाठी पुरस्कार ‘संज्या छाया’ नाटकास देण्यात येणार आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : pm narendra modi in mumbai for accepting lata mangeshkar awarad cm uddhav thackeray and raj thackeray will be also on dias
Marathi News from Maharashtra Times, TIL Network
Marathi News from Maharashtra Times, TIL Network
